नेपाल पर्वतारोहण संघको अध्यक्षमा शेर्पा निर्वाचित

काठमाडौं । नेपाल पर्वतारोहण संघ (एनएमए) को अध्यक्षमा फुरगेल्जे शेर्पा निर्वाचित भएका छन् । कुलबहादुर गुरुङलाई पराजित गर्दै शेर्पा अध्यक्ष निर्वाचित भएका हुन् । शेर्पा ३४२ मत ल्याउँदा गुरुङले २८८ मत ल्याएका थिए ।

सत्ता गठबन्धनका कांग्रेस र एमाले निकट पर्यटन व्यवसायीहरूको उम्मेदवार गुरुङलाई निकै बलिया उम्मेदवारको रुपमा लिइएको थियो । विजयी शेर्पालाई नेकपा माओवादी केन्द्र र राष्ट्रिय स्वतन्त्र पार्टी निकट पर्यटन व्यवसायीहरूको समर्थन रहेको थियो । वरिष्ठ उपाध्यक्षमा ईश्वर पौडेलल, प्रथम उपाध्यक्षमा मिङ्मा ग्याबो शेर्पा, द्वितीय उपाध्यक्षमा बोधराज भण्डारी, महासचिवमा राजेन्द्र लामा विजयी भएका छन् । यस्तै सचिवमा चन्दन थापा विजयी भए ।
सदस्यमा माधवकुमार धमला, केदार न्यौपाने, थुप्देन शेर्पा, गोकुल थापा, मुलाल गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डङ्गोल, दिकी शेर्पा र निशा भोटे विजयी भएको निर्वाचन समितिले जनाएको छ । कोषाध्यक्षमा ङिमा नुर्बु शेर्पा र सुमी लामाको बराबरी मत आएको छ । उनीहरूबीच कार्यकाल आधा–आधा गर्ने सहमति भएको छ ।

कसको कति मत ?

अध्यक्ष
फुर गेल्जे शेर्पा–३४२ (विजयी)
कुल बहादुर गुरुङ– २८८
वरिष्ठ उपाध्यक्ष
ईश्वरी पौडेल–३४५ (विजयी)
टीका गुरुङ–२५८

प्रथम उपाध्यक्ष
काजी शेर्पा–२५६
मिङ्मा ग्याबो शेर्पा–३५९ (विजयी)

द्वितीय उपाध्यक्ष
बोधराज भण्डारी–३६८ (विजयी)
धनबहादुर गुरुङ–२३८
महासचिव
राजेन्द्रबहादुर लामा–३१८ (विजयी)
विमल नहर्की–२०९
शिव सापकोटा–६८
सचिव
चन्दन थापा–३५८ (विजयी)
ङिमादिकी शेर्पा–२४४

कोषाध्यक्ष
ङिमा नुर्बु शेर्पा–३०४
सुमी लामा–३०४
(आधा आधा कार्यकालका लागि गोलाप्रथा गर्ने सहमति )

सदस्यः
माधवकुमार धमला–२७८
केदार न्यौपाने–३०२
थुप्देन शेर्पा–३२६
गोकुल थापा–२८८
मुलाल गुरुङ–३५१
देण्डी शेर्पा–३११
विक्रम कार्की–३०६
रिञ्जे शेर्पा–३०१
देवेन्द्र डंगोल–२९५
दिकी शेर्पा–२८८
निशा भोटे–३०७