कास्की जिल्ला स्तरीय ताया मचा: प्रतियोगीतामा पुरुषतर्फ गैह्रापाटन र महिलातर्फ भण्डारढिक प्रथम

गरेको छ ।

पुरुषतर्फ कुल ३१ टिम सहभागी भएकोमा सरस्वती मन्दिर ताया मचा समिति द्वितीय भएको छ भने मोहरिया सिहनाथ टोल तृतीय हुन सफल भएको छ । भिमसेन टोल सुधार समितिले सान्त्वना पुरस्कार प्राप्त गरेको छ । द्वितीय, तृतीय र सान्त्वना हुनेले क्रमश ७७ हजार ७ सय ७७, ५५ हजार ५ सय ५५ र २५ हजार ५ सय ५५ रुपैयाँ प्राप्त गरेका छन् ।

यस्तै महिलातर्फ समाज कल्याण नेवा खल पोखरा ३२ द्धित्तीय भएको छ भने लामाचौर नेवा खल गुठी तृतीय हुन सफल भएको छ । प्रतियोगीतामा नदिपुर तायामचा समिती नदिपुरले सान्त्वना स्थान हासिल गरेको छ । महिलातर्फ द्वितीय, तृतीय र चौथो हुनेले क्रमशः ३० हजार, २५ हजार र २० हजार रुपैयाँ प्राप्त गरेका छन् ।

प्रतियोगितामा सहभागी टिमलाई नगद रु १५–१५ हजार रुपैयाँ प्रोत्साहनस्वरुप प्रदान गरिएको छ । बिजेताहरूलाई नेवाः खल कास्कीका अध्यक्ष अशोक पालिखे, आयोजक शिशुवा नेवाः खलका अध्यक्ष अर्जुन कुमार ताम्राकार, पोखरा – ३ का वडाध्यक्ष प्रकाश उदास, पोखरा-३० का वडाध्यक्ष दीपक सुवेदी लगायतले पुरस्कार वितरण गरेका थिए ।

पोखरा महानगर क्षेत्रमा बसोबास गर्ने नेवार समुदायले तायाः मचा नृत्यलाई सांस्कृतिक उत्सवका रूपमा विगत लामो समयदेखि मनाउँदै आइरहेका छन् । नेवा खाल कास्कीको आह्वानमा नेवाः खलः शिशुवाले २६ औँ संस्करणको सामूहिक ताया मचा नृत्य प्रतियोगिता आयोजना गरेको हो ।

साभार : सिटी वन टेलिभिजन