सङ्गीत तथा नाट्य–प्रतिष्ठानद्वारा म्युजिक भिडियो तथा  गीत सार्वजनिक

काठमाडौँ । सोमबार,नेपाल सङ्गीत तथा नाट्य–प्रतिष्ठानद्वारा २ म्युजिक भिडियो र सात वटा अडियो रेकर्ड गीत सार्वजनिक गरेको छ । नक्सालस्थित प्रज्ञा–प्रतिष्ठानको कार्यालय भवनमा आयोजित कार्यक्रममा ‘तीते तीते…’ बोलको गीत र लहविरे भाकाको गीतको म्युजिक भिडियो र गणतन्त्र दिवस २०८१ को अवसरमा आयोजना गरिएको राष्ट्रिय गीत लेखन प्रतियोगितामा विजयी सात  प्रदेशका गीतको अडियो रेकर्ड सार्वजनिक गरिएको हो ।

कार्यक्रमका अध्यक्ष नेपाल सङ्गीत तथा नाट्य प्रज्ञा–प्रतिष्ठानका कुलपति निशा शर्मा पोखरेलले राष्ट्रिय भावना र जनचेतना अभिवृद्धिका लागि म्युजिक भिडियो र गीतहरुको रेकर्ड गरिएको बताए । राष्ट्रिय भावका गीत तथा राष्ट्रिय गीतको भिडियो सार्वजनिक कार्यक्रमका संयोजक नेपाल सङ्गीत तथा नाट्य प्रज्ञा–प्रतिष्ठानका उपकुलपति शम्भू राईले विदेशी संस्कृतिको हस्तक्षेप बढिरहेको सन्दर्भमा मौलिक नेपाली संस्कृतिको जगेर्ना र अभिवृद्धिका लागि सबै जना एकजुट हुनुपर्ने बताए ।

प्रज्ञा–प्रतिष्ठानका सदस्य सचिव कुुश्मा महरा ‘प्रगति’ले बजेटको व्यवस्था गरेर अडियो रेकर्ड गरिएका राष्ट्रिय भावनाका सात वटै गीतको भिज्युल बनाउने समेत प्रतिबद्धता जनाए ।

कार्यक्रममा सार्वजनिक भएका भिडियोका निर्देशक र गीतका गीतकार, सङ्गीतकार र गायकगायिकालाई प्रमाणपत्रले सम्मान समेत गरिएको थियो ।

सार्वजनिक भएका भिडियोमध्ये शिक्षासम्बन्धी चेतना फैलाउने ‘तीते तीते…’ गीतको म्युजिक भिडियोलाई अभि लामाले निर्देशन गरेका हुन् । यस गीतको रचना प्रकाश सापकोटा, सङ्गीत महेश खड्का र गायन शान्तिश्री परियारको रहेको छ भने कलाकारमा बिना रावत र अलि तामाङ रहनु भएको छ । त्यसै गरी पूर्वी पहाड ओखलढुङ्गा जिल्लाका बायुङ, थुलुङ र वाम्बुले समुदायले गाउँदै आएको लोपोन्मुख लहबिरे भाकाको गीतमा सङ्गीतकार लाहाङ सुब्बाको सङ्गीत संयोजन र

कार्यक्रममा प्रज्ञा–प्रतिष्ठानका ४ जना कर्मचारीलाई पनि सम्मान गरियो । सम्मानित हुनेमा अधीकृत स्तरका प्रदीप गुरागाईं, प्रविन सापकोटा, ध्रुव वाग्ले र नायब सुब्बा जगदीश सापकोटा हुन ।