“शंखरापुर”वृत्तचित्रको वल्र्डवाइड प्रिमियर

“शंखरापुर” वृत्तचित्रको शनिवार वल्र्डवाइड प्रिमियर गरिएको छ। शंखरापुर नगर पालिकाको लागि सुभाय् मिडिया इन्फोटेन्मेन्टद्वारा निर्माण गरेको महर्जन रत्नको अनुसन्धान,लेखन निर्देशन रहेको “शंखरापुर” एक ऐतिहासिक, सांस्कृतिक धार्मिक बिशेषता बोकेको वृत्तचित्र हो ।
वृत्तचित्र साँखुको ऐतिहासिक वज्रयोगिनी जात्राबाट सुरु गरिएको छ ।कठीन रुपमा खटहरु वज्रयोगिनी डाँडाको सिंढीबाट ओरालिंदै गरेको रोमांचक दृश्यले दर्शकमा कौतुहलता बढाइदिन्छ । सांखुको सम्पदा बस्तीको इतिहास ,किम्बदन्तीलाई प्रस्तुत गरी यस नगरको नामाकरणदेखिको विषयका दृश्यहरु यसमा देख्न सकिन्छ । मानवनिर्मित तथा प्राकृतिक सम्पदामा बिषयमा पनि वृत्तचित्र स्पष्ट छ ।
“शंखरापुर”वृत्तचित्रका लेखन सम्पादक चर्चित लेखक राजेन मानन्धर हुन्। वरिष्ठ चलचित्र सम्पादक माणिक रत्न तुलाधर प्रविधि सल्लाहकारका रुपमा रहेको यस वृत्तचित्रमा राजेश महर्जन, महर्जन रत्नको छायांकन रहेको छ ।उत्तमो भन्ते, रवि श्रेष्ठ, सोन श्रेष्ठले ड्रोन पायलटका रुपमा छायांकन गरेको र राजेश महर्जनको भिडियो सम्पादन रहेको छ । निर्माण व्यवस्थापक रन्जु श्रेष्ठ तथा सुभाय् मिडियाका निम्ति नानीमैया महर्जन निर्माता रहेको यस वृत्तचित्रको लेखक, कार्यकारी निर्माता निर्देशक महर्जन रत्न रहेका छन् ।
हालसम्म यस “शंखरापुर”वृत्तचित्र नेपाल टेलिभिजन, नेवाः टिभी एचडी तथा सिटी वान टेलिभिजनबाट प्रसारण भइसकेको छ ।