ट्रम्प -जेलेन्स्की वार्तामा रोशन श्रेष्ठको “मुसिको भव”

डा.रोशन श्रेष्ठ                                

• उनले आत्महत्या गर्ला या अकस्मात निधन होला या पुतिन सित सम्झौता गर्ला या म्याक्रोन-मोदी-उर्सुला-सिपिङ सित निवेदन चढाउन जाला या… भन्ने थरिथरिका विकल्प मध्ये “अब के होला” भन्ने बाजीको खेल अनलाइन बेटिङ चर्केको छ।

बाघ झै फुर्तिका साथ ह्वाइट हाउस पसेका जेलेन्स्की मुसो बनेर निस्कनु परेपछि अब एकाएक नसोचिएको समाचार आउने सम्भावना छ ।

प्रेससामु नै झपारिएपछि जेलेन्सकीलाई पाहुना बस्ने वेटिङ रुममा राखियो। त्यसपछि फेरि भेटघाटको कार्यक्रम थियो, तर एक्कासी बिदेश सचिव मार्को रुबियो पाहुना रुममा गएर जेलेन्स्कीलाइ भने –
“तिम्रो ह्वाइटहाउस भ्रमणको कार्यक्रम सक्कियो, तिमी फर्किए हुन्छ।”
जेलेन्स्कीले आफुलाइ किन फर्काइयो भनेर सामाजिक सञ्जालबाट तपाइ हामीले थाहा पाए सरह थाहा पाए।
यसरी फर्काइनु अपमान हो, र यो अपमानले डीप-स्टेटका विश्वब्यापी चम्चाहरु साह्रै रिसाएका छन्। उनीहरुको रीस सामाजिक सञ्जालमा छताछुल्ल पोखिएको छ।
ट्रम्पले यूक्रेनमा रुसिहमलाले क्षति पुर्याएको पावर ग्रीड मर्मत गर्ने अमेरिकी सहयोग रोक्का गरिदिएको छ।
यूक्रेन भित्रै जेलेन्स्कीमाथि महाभियोग लगाउनु पर्ने आवाज उठेको छ।
जेलेन्स्कीको युद्धमा जसरी पनि अमेरिकी सहयोग जारी राख्नुपर्छ भनी सशक्त आवाज राख्ने अमेरिकी सिनेटर लिन्डसे ग्राहम् ले अब यूक्रेनले अमेरिकाको कुनै सदाशयता लिने हो भने जेलेन्स्की बाहेक दोस्रो व्यक्ति पठाउनुपर्ने भनेका छन्।
यी सबै घटनाहरु हेर्दा जेलेन्स्कीको अब राजनीतिक मृत्यु भएको देखिन्छ।
उनले आत्महत्या गर्ला या अकस्मात निधन होला या पुतिन सित सम्झौता गर्ला या म्याक्रोन-मोदी-उर्सुला-सिपिङ सित निवेदन चढाउन जाला या… भन्ने थरिथरिका विकल्प मध्ये “अब के होला” भन्ने बाजीको खेल अनलाइन बेटिङ चर्केको छ।
त्यो बेटिङमा सबभन्दा कम दाऊ चाहिं ट्रम्पले जेलेन्स्की माथि फेरि विश्वास गर्ने छ भन्ने विकल्प छ।
यस्तो अवस्थामा रातारात ठूलो परिवर्तन हुन सक्छ। यूक्रेनी सेनाले “अब सक्कियो” भनेर लडाइ मैदान छाड्ने सम्भावना छ भने “मौका यहि हो” भनेर पुतिनले फूल फ्लेक एट्याक बढाउन सक्ने छ। त्यस्तो भैगइ यूक्रेनको नक्सा के हुने हो, अनुमान मात्र गर्न सकिन्छ।
हैन र?
कुरा बुझौं मुसुमुसु हाँसौं।

(डा. रोशन श्रेष्ठ अमेरिकामा वैज्ञानिकका रुपमा कार्यरत एक खुल्ला विचारका व्यक्तित्व हुनुहुन्छ । उनी कार्यक्षेत्रभन्दा बाहिरका समसामयिक विषयमा आफ्नो विचार सहितको विचारोत्तेजक सटिक लेखहरु  लेख्न मन पराउँछन् ।)

(फिचर फोटो : एजेन्सी )