नेवाः मैंचा ( आत्मपरक छपु लुमन्ति लेख )

जिमि मां मचाबले । स्कूल धयागुं मदु । ब्वनेमाः धयागुं मदु ।उकिं व अले तःक्यहेपिं सुं सःस्यू धयापिं नं मदु । भाय् नं मां अबुं स्यनातःगु भायपो छुं स्यू थूगुं मखु । नेवाः भाय् छता । उकिं उमिसं जिपिं मस्तयत नं नेवाःभाय् छगू बाहेक स्यनेसःगुं मजुल ।

ल्यासेचा जुल । बियाछ्वत । जिपिं मचाखाचात नं दत ।

म्ह्यायपिं बियाछ्वत । कायपिनि नं ब्याहाः जुल । कायपिं छेय् दनाः मेथाय् च्वंवन । मां छम्ह कुल छेय् त्वताः वनेमखु धकाः इकिधिकि मसं ।

ई बिनांवन । व बुरि जुल । याकःचां ज्या सने मफुत । गामं थन तालिमय् वयाच्वंम्ह खॅयनीचा छम्ह डेरा मालाच्वंगु । अगःचा मालां देगःचा लुल । वयात हे छेय् मांयात स्वयेत तयाबिया । याउॅल ।