साढे ४९ अर्ब बराबरया आइपिओ पिथनेत ८० कम्पनी पाइपलाइनय्

अथे हे, धितोपत्रया आइपिओ पिथनाः धलखय् तयेधुंकूगु खुगू कम्पनीं थःगु पुँजी अप्वयेकेत धितोपत्र थप पिकायेगु (एफपिओ) प्रक्रियाय् वनाच्वंगु बोर्डं न्ह्यथंगु दु ।

बोर्डया कथं मुक्कं ४९ अर्ब ४८ क्वति ३० लख ४९ द्वः ५ सः व ९६ बराबरया आईपिओ पाइपलाइनय् दु । थी थी थाय्या ८० गू कम्पनीया ३४ क्वति १९ लख १ द्वः व ८० कित्ता शेयर आईपिओया निंतिं बोर्डया प्रक्रियाय् दु ।

होटल नापं पर्यटन ख्यःया न्हय्गू कम्पनीं ३ अर्ब ३१ क्वति १० लख बराबरया ३ क्वति ५३ लख ६० द्वः कित्ता आइपिओ पिथनेत निवेदन ब्यूगु दु । लिसें, ४० गू जलविद्युत् आयोजनां मुक्कं १६ अर्ब ४१ क्वति ३० लख ७९ द्वः ४ सः बराबरया १६ क्वति ३६ लख ५ द्वः ४ सः व ६४ कित्ता बराबर आइपिओ पिथनेत बोर्डया प्रक्रियाय् वनाच्वंगु दु ।

लगानी पुचःअन्तर्गत स्वंगू कम्पनीं २ अर्ब ८४ क्वति ३३ लख ५० द्वः बराबरया १ क्वति ५६ लख ७३ द्वः ५ सः कित्ता आइपिओ पिथनेगु निंतिं पाइपलाइनय् दु । उत्पादन नापं प्रशोधनपाखे १५ गू कम्पनीं २२ अर्ब ६८ क्वति ४७ लख ७६ द्वः व ६ सः व ९६ बराबरया ९ क्वति १६ लख ७५ द्वः ६ सः व ८४ कित्ता आईपिओ पिकायेगु प्रक्रियाय् दु ।

धितोपत्र बोर्डया कथं जलविद्युत् पुचःपाखे दकसिबे अप्वः ४० गू कम्पनीं आइपिओ पिकायेत बोर्डय् निवेदन ब्यूगु दु । सानिमा हाइड्रोपावर लिमिटेड, हिम स्टार ऊर्जा कम्पनी लिमिटेड, भुजुङ हाइड्रोपावर लिमिटेड, दरमखोला हाइड्रो इनर्जी लिमिटेड, सान्भी इनर्जी लिमिटेड, बेनी हाइड्रोपावर लिमिटेडलिसेंया कम्पनीया आइपिओ पिकायेगु पाइपलाइनय् दु ।

अथे हे, यमलिङ्ग हाइड्रोपावर लिमिटेड, मबिलुङ्ग हाइड्रोपावर लिमिटेड, सोलु हाइड्रोपावर लिमिटेड, टक्सार पिखुवा खोला हाइड्रोपावर लिमिटेड, विकास हाइड्रोपावर कम्पनी, कालिञ्चोक हाइड्रोपावर लिमिटेडलिसेंया कम्पनीत आइपिओ पाइपलाइनय् दु ।

होटल नापं पर्यटन पुचःअन्तर्गत न्हय्गू कम्पनीया आइपिओ पाइपलाइनय् दु । थ्व पुचलय् एपेक्स हस्पिटालिटी लिमिटेड, होटल फरेस्ट इन लिमिटेड, अर्केड होल्डिङ्स लिमिटेड, अन्नपूर्ण केबल कार, बन्दीपुर केबलकार एण्ड टुरिजम लिमिटेड, अकामा होटल लिमिटेड, ठमेल प्लाजा होटल एण्ड स्वीट्स लिमिटेड आइपिओ पिकायेत पाइपलाइनय् दु ।

लगानी पुचःपाखे वरुण इन्भेष्टमेन्ट लिमिटेड, सिड इनर्जी लिमिटेड व शिवम् होल्डिङ्स लिमिटेडं आइपिओ हयेत्यंगु दु । उत्पादन नापं प्रशोधन पुचःपाखे १५ गू कम्पनीया आइपिओ पाइपलाइनय् दु । एकोर्ड फर्मास्युटिकल्स लिमिटेड, एसवाई प्यानल नेपाल लिमिटेड, सूर्य सिमेन्ट इन्ड्रस्ट्रिज लिमिटेड, मारुती सिमेन्ट्स लिमिटेड, स्मार्ट डोर्स लिमिटेड, पाल्पा सिमेन्ट इन्ड्रस्ट्रिज लिमिटेड, ओम मेगाश्री फर्मास्युटिकल्स लिमिटेडलिसेंया कम्पनीया आइपिओ वयेत्यंगु दु । अथे हे, लक्ष्मी टेक्नोप्लास्ट लिमिटेड, श्री डिस्टिलरी लिमिटेड, सोपान फर्मास्युटिकल्स लिमिटेड, भूगर्भ सिमेन्ट लिमिटेड, रिद्धिसिद्धि सिमेन्ट लिमिटेड, सागर डिस्टिलरी लिमिटेड व अम्बे स्टील्स लिमिटेडं आइपिओ हयेगु तयारी यानाच्वंगु दु ।

लघुवित्त पुचःपाखे स्वस्तिक लघुवित्त वित्तीय संस्था लिमिटेडया आइपिओ पिकायेत बोर्डय् विचाराधिन जुयाच्वंगु दु । अथे हे, लघुबीमा (माइक्रो इन्स्योरेन्स) पाखे क्रेस्ट माइक्रोलाइफ इन्स्योरेन्स लिमिटेड, नेपाल माइक्रो इन्स्योरेन्स कम्पनी लिमिटेड, प्रोटेक्टिभ माइक्रो इन्स्योरेन्स लिमिटेड व स्टार माइक्रो इन्स्योरेन्स कम्पनी लिमिटेडं आइपिओ पिथनेत बोर्डयात निवेदन ब्यूगु दु ।

मेमेगु पुचःया १० कम्पनी आइपिओ पाइपलाइनय् दु । ट्रेड टावर लिमिटेड, कान्तिपुर टेलिभिजन नेटवर्क लिमिटेड, डिस मिडिया नेटवर्क लिमिटेड, आइएमई लिमिटेड, हस्पिटल फर एड्भान्स मेडिसिन एण्ड सर्जरी सर्जरी (हेम्स हस्पिटल) लिमिटेड, पिअर इनर्जी लिमिटेड, नेपाल ब्रोडकास्टिङ च्यानल लिमिटेड, कैलाश हेलिकप्टर सर्भिस लिमिटेड, छायादेवी कम्प्लेक्स लिमिटेड व बिजनेस इन्ट्रेस्ट ग्रुप अफ इन्ड्रस्टिजं आइपिओ हयेत्यंगु दु । राष्ट्रिय समाचार समिति (रासस)