धम्मवती गुरुमांयात मानार्थ विद्यावारिधि उपाधिं विभुषित याइगु

लुम्बिनी /श्रद्धेय धम्मवती गुरुमांयात मानार्थ विद्यावारिधि उपाधिं विभुषित याइगु जूगु दु ।
बुद्ध शिक्षा च्वन्ह्याकेत ज्व:मदुगु योगदान यानाबिज्या:गुया कदर यासें लुम्बिनी बौद्ध विश्वविद्यालयं सासनधज धम्माचरिय, अग्गमहागन्थवाचक पण्डित, भाषाथुवा: श्रद्धेय धम्मवती गुरुमांयात मानार्थ विद्यावारिधि उपाधिं विभुषित यायेत्यंगु ख:। थ्वहे वइगु  मंसिर १४ गते जुइगु विश्वविद्यालयया स्व:क्व:गु दिक्षान्त समारोहस नेपा:या प्रधानमन्त्री व उपकुलपति के. पि. शर्मा ओलीया उपस्थितिइ वसपोलयात थुगु उपाधिं विभुषित याइगु खँ जानकारी प्राप्त जूगु दु। अथेहे विश्वविद्यालयं थुकथंया उपाधि द्यछायेत्यंगु थ्वहे दकले न्हापांगु ख: धका: नं धा:गु दु।
थ्व स्वयां न्हापां वसपोल गुरुमांयात बर्मी सरकारं बि.सं. २०१९ सालय् सासनधज धम्माचरिय व बि.सं. २०५१ सालय् अग्गमहागन्थवाचक पण्डित व ने.सं. १११९ सालय् नेपालभाषा परिषदं भाषाथुवा: उपाधिं विभुषित यायेधुंकूगु दु। अथेहे मेमेगु थी थी संघ संस्थां यक्कोहे कथंया सम्मान यायेधुंकूगु दु।
धर्मकीर्ति विहारया संस्थापक व प्रमुख जुयाच्वना बिज्याम्ह श्रद्धेय धमावती गुरुमांया योगदानयात कदर यासे कदर यासे थुकथंया त:जिगु उपाधिं विभुषित याइगु खँ बौद्ध जगतया नितिं लसताया खँ ख:।