कोलोराडोमा येंयाः इन्द्रजात्रा भव्य रुपमा मनाइयो

कोलोराडो/नेवाः समुदायको बाक्लो बसोबास रहेको कोलोराडोमा  यंया: इन्द्रजात्रा भब्य रूपमा संम्पन्न भएको छ ।
कोलोराडो नेवाः खलःको आयोजनामा  नेवाः समुदायले मनाउने येंयाः नेपाली साँस्कृतिक केन्द्र नेपाली घरको प्रांगणमा कुमारीको रथ तान्दै, पुलुकिसी , लाखे नाचका साथ भब्यरूपमा सम्पन्न भएको हो ।
अमेरिकाको कोलोराडो राज्य अन्तर्गत वेष्टमिन्स्टर सिटीका मेयर नान्सी म्याकनालीबाट कुमारी रथ तानी इन्द्र जात्रा अगाडी बढाइएको थियो ।
जात्रामा गणेश, कुमारी,  भैरवको विधी पूर्वक पूजा अर्चना गरेर शुरू गरिएको थियो । रथ यात्रा पछि तिन जीवित देवी देवताहरूलाई स्वागत द्वार हुँदै धिमेबाजाका साथ मञ्चमा आसिन गराइ कार्यक्रम अगाडी बढाइएको थियो । नेवा: राष्टिय गान गाएर सुरू गरिएको कार्यक्रममा कोलोराडो नेवाः खलःका अध्यक्ष भुषणलाल श्रेष्ठले कार्यक्रममा उपस्थित सबैलाइ स्वागत गरेका थिए । त्यस्तै कलाकारहरूले नेवा: गीत संगीतमा  नृत्य प्रश्तुत गरेका थिए ।
कार्यक्रममा स्थानीय संघ संस्थाका पदाधिकारी बुद्धिजिवी, समाजसेवी, ब्यवसायी, कलाकार, पत्रकार, नेपालीभाषीहरुको बाक्लो उपस्थिती रहेको थियो । अधिकांश नेवाः समुदाय परंपरागत पहिरहनमा सजिएर कार्यक्रममा सहभागी भएका थिए ।

कार्यक्रममा कुमारी रथ तयार पार्नुहुने महानुभावहरूलाइ बरिष्ठ कलाकार हिरण्य भोजपुरे, समाजसेवी नारायण श्रेष्ठ र नेवाः खलका संस्थापक अध्यक्ष प्रेमकाजी श्रेष्ठले प्रशंसापत्र प्रदानगरी सम्मान गरेका थिए । त्यसैगरी कार्यक्रममा नेपाली सिनेमा क्षेत्रका  कलाकारहरू कृष्ण मल्ल र शर्मिला मल्लको पनि उपस्थिती रहेको थियो ।
दिउसो १२ बजे देखी ४ बजे सम्म संचालन भएको कार्यक्रम रमिता तुलाधर र सबिता श्रेष्ठले संयूक्त रूपमा संचालन गरेका थिए ।
येंयाः कार्यक्रमको अन्तमा सहभागी सबैलाइ प्रसाद स्वरूप समयजी बितरण गरिएको थियो । कार्यक्रममा अमेरिकाका विभिन्न शहरका मेयरहरु लगायत विभिन्न पदमा आशिन व्यक्तिहरू पनि विशेष अतिथिका रुपमा आएका थिए। यसभन्दा अगाडि कोलराडो नेवा: खल:का महासचिव संजय शाक्यले कार्यक्रममा भाग लिन पाँच शहरका मेयरहरु आउने बताएका थिए ।

।

PHOYO : COLORADO KHABAR / PLEASE WATCH THE VIDEO