लाच्छि लर्निङ सेन्टरद्वारा इन्द्र जात्रा (ञेया)काे विषयवस्तुमा चित्रकलाहरुलाई प्रोत्साहन पुरस्कार

लाच्छि लर्निङ सेन्टरद्वारा आयोजित र Art Beat Studio काे सहयोगमा ललितपुरको श्री जितापुर गन्धकुटी बिहार परिसरमा इन्द्र जात्रा (ञेया)काे विषयवस्तुमा १ देखि १० कक्षाका विद्यार्थीका चित्रकलाहरुलाई प्रोत्साहन स्वरुप पुरस्कार वितरण भयो।
काठमाण्डौ, ललितपुरका, भक्तपुर, कीर्तिपुर र जनकपुर बाट ३० वटा विद्यालयहरु र ६९ कलाकारहरूको सहभागी थियो भने चित्रकला प्रतियोगिता ४ विधामा भएको थियो। प्राथमिक विद्यार्थी कलाकार, कक्षा (१-४), कनिष्ठ विद्यार्थी कलाकार कक्षा (५-७), वरिष्ठ विद्यार्थी कलाकार, कक्षा (८-१०), जनताको छनौट पुरस्कार गरी ४ वटा विधामा नेपाली कला, संस्कृति र पर्वहरूको विषयलाई चित्रकलाको माध्यम बाट विश्व सामु परिचित गर्ने उद्येश्य आयोजक छ।
ललितपुर महानगरपालिका, २१ वडाका प्रमुख रवीन्द्र महर्जन अनुसार विद्यार्थीहरू बिहान देखि बेलुकासम्म विद्यालयका पाठ्यक्रममा मात्र समय दिनुपर्ने बाध्यताले १ देखि १० सम्मका विद्यार्थीहरूको अतिरिक्त पाठ्यक्रमकाे प्रतिभा विकास गर्न नसकिने कुरा गर्नु भयो। लाच्छि लर्निङ सेन्टरले विद्यार्थीहरूको अतिरिक्त पाठ्यक्रमकाे प्रतिभाहरुलाई जन्माउने र विकास गर्ने महत्वपूर्ण भूमिका खेलेको कुरा राख्नु भयो।
Art Beat का संस्थापक, जुजु महर्जनले नेपालका विगत ठाउँका विद्यालयहरूमा गई चित्रकलालाई प्रोत्साहन गर्न रंगहरु, कपी, कलमहरु दिएर सहयोग गर्दै आएको छ। यसरी नै लाच्छि लर्निङ सेन्टरलाई पनि चित्रकलाका सम्रागीहरु सहयोग गरेको छ। महर्जनको सपना नेपालका तराई, पहाड र हिमाली क्षेत्रहरूमा पनि बालबालिका चित्रकलालाई प्रोत्साहन र स्टेशनरीका सामाग्री सहयोग गर्दै जाने वचन दिनु भयो।
प्राथमिक विद्यार्थी कलाकार विधाका प्रथम हुने रोशन बुढा मगर, श्री युवा प्रतिभा विद्या मन्दिर माध्यमिक विद्यालय भने दोश्रोमा सरल डंगोल, ज्ञानोदय बालवाटिका विद्यालय र तेश्रोमा शिक्षा महर्जन, शान्ति गार्डेन स्कूलबाट पुरस्कृत भए।
कनिष्ठ विद्यार्थी कलाकार तर्फ प्रथम हुने आयांश ज्ञवाली, प्ररामवा वर्ल्ड स्कूल एण्ड कलेज बात भने दोस्रोमा कृष्ण माझी,कंकेश्वरी आधारभूत विद्यालय र तेश्रोमा लिपि महर्जन, क्रिएटिभ एकेडेमी, कीर्तिपुरबाट पुरस्कृत भए।
त्यसै गरी वरिष्ठ विद्यार्थी कलाकार विधामा प्रथम हुने सञ्जीव श्रेष्ठ, क्रिएटिभ लर्नर्स एकेडेमी बात भने दोश्रोमा सम्झना शाह, श्री पद्मप्रकाश माध्यमिक विद्यालय र तेश्रोमा कृष कुमार, विश्व निकेतन माध्यमिक विद्यालयबात पुरस्कृत भए। र अन्त्यमा जनताको छनौट पुरस्कारमा प्रज्वल शाह ठकुरी, विश्व निकेतन मावि बाट पुरस्कृत भएको छ।यस प्रतियोगितामा निर्णायकको भूमिका विज्ञान प्रजापति, मैचा र बौचा का संस्थापकले गर्नुभएको थियो।
Photo,news :Prabin Maharjan