महाकवि सिद्धिदास महाजुको १५७ औं जन्मजयन्ती मनाइयो ।

काठमाडौं /नेपाल भाषाका महाकवि सिद्धिदास महाजुको १५७ औं जन्मजयन्ती प्रभातफेरिर विभिन्न कार्यक्रम गरि मनाइयो ।
“भासा म्वा:सा जाति म्वाइ ” अर्थात् भाषा रहे जाति बाँच्छ ” भने अभिव्यक्तिका साथ नेपाल भाषा साहित्य क्षेत्रमा उडाएका महाकवि सिद्धिदासको जीवनकालमा धेरै साहित्यका कृतिहरु सिर्जना गरेका थिए ।
बिहान सिद्धिदास महाजुको शालिक रहेको काठमाडौंको भोटाहिटीबाट सुरु भएको प्रभतफेरि कार्यक्रम केलटोलमा रहेको प्यंग थां को शालिक रहेको मञ्चमा समापन गरिएको थियो ।
कार्यक्रममा वरिष्ठ गायक पवित्र कसाले नसंचा म्ये सुनाएका थिए ।
प्रभातफेरिमा बागमती प्रदेशका प्रदेश सभा सदस्य तथा पूर्वमन्त्री शैलेन्द्र मान बज्राचार्य लगायत, नेपाल भाषा सहित्य क्षेत्र र विभिन्न क्षेत्रका मानिसहरू सहभागी थिए भने विभिन्न स्कूलका विद्यार्थीहरुको पनि सहभागिता रहेको थियो ।