अन्तर्राष्ट्रिय बौद्ध दिवस मनाइयो

रवि महर्जन,काठमाडौं /दशौं अन्तर्राष्ट्रिय बौद्ध दिवस विश्वका ५ महादेशका ५१ वटा देशहरूमा विभिन्न कार्यक्रम गरि मनाइएको छ ।
यसै अवसरमा नेपालमा पनि विश्व शान्ति विहार अन्तर्गत धापाखेल बुद्ध विहारमा एक धर्म सभा गरि मनाइएको छ ।
कार्यक्रममा भिक्षु संघद्वारा महापरित्राण पाठ गरिएको थियो ।
कार्यक्रममा श्रद्धेय भिक्षुहरु चन्द्रगुप्त महास्थविर, धर्मगुप्त महास्थविर ,बोधिग्यान महास्थविर , संकिच्छ महास्थविरले बुद्ध शिक्षा बारे प्रकाश पार्नुहुँदै देशना गर्नुभएको थियो ।

यसैगरी कार्यक्रमको सुरुवातमा सिद्धार्थको मूर्तिलाई अगाडि राखी शोभायात्रा निकालिएको थियो ।