नेवा खलः कास्की ‘सुदर्शन–कपिला सिरपा’ सम्मानित

बिराटनगर / बिराटनगरमा सक्रिय संस्था नेपाल भाषा तथा सांस्कृतिक संघ (झी पुचः) ले हरेक दुई वर्षमा प्रदान गर्दै आएको यसपटकक ‘सुदर्शन–कपिला सिरपा’ यसपटक  नेवा खलः कास्कीलाई प्रदान गरेको छ ।

शुक्रबार विराटनगरमा एक समारोहको आयोजना गर्दै नेवा खल: कास्कीका अध्यक्ष अशोक पालिखेलाई उक्त सम्मान प्रदान गरिएको हो । ‘सुदर्शन–कपिला सिरपा’ नेवाः खलः कास्कीका अध्यक्ष अशोक पालिखेले यसरी सम्मान गरेको हो । नेवार संस्कृति अनुसार सम्मानित हुने संस्थाका अध्यक्ष पालिखेलाई फेट्टा ओढाई सम्मान पत्र प्रदान गरेको थियो । पोखरा कास्की क्षेत्रमा नेवार भाषा तथा सांस्कृतिमा  दुई दशक भन्दा लामो समयदेखि सेवा गर्दै आएको संस्था हो नेवा: खल: कास्की । कार्यक्रममा  पूर्व उपप्रधानमन्त्री विजयकुमार गच्छदार तथा कोशी प्रदेशका वन, वातावरण तथा पर्यटन मन्त्री गणेश उप्रेतीले संयुक्त रुपमा सम्मान गरेका हुन् ।

पुरस्कारको राशि दुई लाख रुपैयाँ रहेको छ ।

नेपाल भाषा एवं संस्कृतिको क्षेत्रमा दुई दशक भन्दा लामो समयदेखि अनवरत रुपमा क्रियाशील संस्था नेवा खल:कास्कीलाई उक्त सम्मान प्रदान गरिएको झी पुचः विराटनगरका अध्यक्ष भविषकुमार श्रेष्ठले बताए ।
कार्यक्रमको अवसर पारेर सांस्कृतिक स्मारिका समेत विमोचन गरिएको छ ।
४४ वर्ष अगाडी नेपाल संवत् ११०१ (वि.सं. २०३८) सालमा स्थापना भएको झी पुचःले नेपाली भाषा एवं संस्कृतिको क्षेत्रमा योगदान पुर्‍याउने व्यक्ति एवं संस्थालाई कदर स्वरूप प्रत्येक २–२ वर्षमा सुदर्शन–कपिला सिरपा (सम्मान) प्रदान गर्दै आएको छ ।

नेवा: खल: कास्कीका पदाधिकारीहरुले यश पटक पूर्वी नेपालका धरान, धनकुटा , बिर्तामोड लगायत ठाउँका खल: पुच:ले पनि आआफ्नो क्षेत्रको भ्रमणका क्रममा स्वागत गरेको थियो ।

यसभन्दा अगाडि सताब्दी पुरुष स्व. सत्यमोहन जोशीलाई उहाँको योगदानलाई कदर गर्दै यो सुदर्शन–कपिला सिरपा पुरस्कार प्रदान गरिएको थियो ।