अल्पकालीन श्रामणेरहरुको धर्मयात्रा भैरहवा पुग्यो

लुम्बिनी / धर्मयात्रामा हिंडेका श्रामणेरहरु भैरहवा आइपुगेका छन् । यसैबीच भैरहवामा एक धर्म सभाको आयोजना गरिएको छ ।
यसभन्दा अगाडि बुद्धजन्मस्थल लुम्बिनीबाट १२५० जना अल्पकालीन  श्रामणेर  धम्मयात्रा शनिबारदेखि शुरु भएको थियो । मायादेवी मन्दिरबाट श्रामणेरहरुले धम्मयात्रा शुरु गरेका हुन् । यात्रा शनिबार लुम्बिनीसँगै भैरहवा र आईतबार रामग्राममा दुई दिनसम्म हुनेछ । श्रामणेरलाई लुम्बिनी विकास कोषका  सदस्य सचिव सानुराजा शाक्य, कार्यकारिणी सदस्य विश्वराज पौडेल, बरिष्ठ निर्देशक ज्ञानिन राई, सूचना तथा जनसम्पर्क अधिकृत डा. हरिध्वज राईले मायादेवी मन्दिर परिसरमा पुष्प अर्पण गरी यात्रा शुरुवात गराएका थिए । अखिल नेपाल भिक्षु महासंघ तथा थाइ धर्मदुत संघको आयोजनामा भैरहेको १२५० अल्पकालीन श्रामणेर प्रवज्या कार्यक्रम अन्तर्गत यो धर्मयात्रा आयोजना गरिएको हो ।