अख्यानकार मथुरा सायमिया चिबाखं “अपसं”

मथुरा साय्‌मि

स्वाहाने सुं कुहाॅवःगु सः तायवं लासाय् ग्वतुलाच्वंम्ह धीर्जलाल फेतुनाछ्वत । भमचाम्ह क्वथाय् दुहाॅ वयाः थम्हं हयागु थरमस व गिलास तेबिलय् दिकल ।

धीर्जलालं न्यन , ” जा बुतला गंगा ? ”
भमचाम्हं वाताहाॅ च्वनाः नवात ,” जि गंगा मखु बाः । जि जमुना । जितः म्हमसिल ला बाःनं । अले बाःनं नकतिनि ज्योनाः यानाः कुहाॅ झायागु मखुला ? ”
” यय् , खःला? मनयानि थे च्वं ” धीर्जलाल अलमलय् लात ।
” बाःया प्वाः मजाःनिसा मेगु निगःचा भपिया दीला ? थन हे तानाहयेला कि ? भमचाम्हं न्यन ।
” म्वाः म्वाः । जि हे थाहाॅ वये तले ।ता रे सा नु , निगःचा । जा हे मनयानि थे च्वं । धीर्जलालं जा नयेगु इच्या कन ।
जमुना थाहाॅ वन , ” का, झासॅसा बाः । जिं जा तानाच्वने । ”
” का का नु । ख्वाउलकि जा नयेगुं मसाः । जि व हे वल । ”

भौम्ह थाहाँ वन ।

बाःजुम्ह धीर्जलाल उजुंसुजुं थाहाँ मवःगु खनाः जमुना सःतेत हानं कुहाॅ वल ।
धीर्जलाल लासाय् थस्सःपायाः देनाच्वने धुंकल ।
” जा तायेधुन बाः । हानं धंदियागु ला? झासॅ याकनं ” जमुनां थनेत स्वत ।

बाःजुम्हं फ्यतुनाः धयाहल , ” थौ छन्हु नये मखुला धयां । थौ छन्हु अपसं हे च्वने । मज्यूला भम्चा ? ”
जमुना वाताहाॅ च्वंम्हच्वनं 😂 !!!