लुटपाटको शैलीमा महर्जन कम्प्लेक्समा महानगर प्रहरीले हटाए पसलहरु!

काठमाडौं /न्युरोडको केन्द्रमा रहेको महर्जन कम्प्लेक्समा नगर प्रहरीहरु प्रवेश गरि त्यहाँ बेसमेन्टमा राखिएका जुता पसलहरु हटाएको छ । तर जुत्ता पसलहरु हटाउने शैली भने लुटपाटकै शैलीमा भएको र सबै पसल भटाभुंग पार्दै नगर प्रहरीहरुले नयाँ नयाँ जुत्ता हरु समेत सँगै लिएर गएको बताइएको छ ।

यसका साथैं त्यहाँ रहेका जुता राख्ने र्‍याक र दराज पनि लिएर गएको अवस्था रहेको छ ।
कम्प्लेक्सको तल्लो तल्लामा पार्किङ राख्नुपर्ने भन्दै नगर प्रहरीतहरुले लुटपाटको शैलीमा सामान उठाएर लगेको बताइएको छ । तर महर्जन कम्प्लेक्सको नक्सामा भने यो स्थान पार्किङ नभई बेसमेन्ट भनेरआत्र उल्लेख गरिएको छ । पार्किङको कुरा कतै जनाइएको छैन ।

महर्जन कम्प्लेक्समा भएको यश घटनाको भिडियो खिच्न आएका मेयर बालेन साहका समर्थक युट्यूबरहरुले भने त्यहीँ उपस्थित भएका स्थानीय व्यक्तिहरुलाई बेवास्ता गर्दै बाहिरबाट आएका एक दुईजना व्यक्तिको इन्टरभ्यु लिंदै पसल हटाउन ठिक हो भन्ने भनाई खिच्न व्यस्त देखिएका थिए । अझ एकजनाले त पार्किङ हटाएको ठिक भनी बुझ्दै नबुझी भनाई राखिरहँदा बारम्बार प्रश्न दोहर्‍याएर पसल हटाएको सही भनी भिड्यो रेकर्ड गर्दै गरेको पनि देखिएको थियो ।।

त्यही समयमा यश स्थान पुगेका अभियन्ता यादवलाल कायस्थंले भने युट्युबरहरुकै भिडियो खिचेर गलत सम्प्रेषण भएका समाचारको कुरा निकाल्दै ती पत्रकारहरुलाई र्‍याख्र्‍याख्ती पारेका थिए ।