आषाढ पूर्णिमा र बुद्ध जीवनीका केही महत्त्वपूर्ण घट्नाहरु

आज आषाढ पूर्णिमा । आजको दिनमा भगवान बुद्धले सारनाथको ऋषिपतन मृगदावनमा पञ्चवर्गीयहरूलाई आफूले प्राप्त गरेको ज्ञानको बारेमा उपदेश दिनुभयो । यसलाई बुद्धले पहिलोपल्ट धर्म चक्र घुमाउनु भएको भनिन्छ । त्यसैले आजको दिनलाई बौद्ध देशहरुमा धर्मचक्र दिवसको रुपमा मानिन्छ ।
भगवान बुद्धको जीवनमा आजको दिनमा प्रमुख घटना घटे ।
• बोधिसत्वको गर्भप्रवेश
• राहुल कुमारको जन्म
• बोधिसत्वको महाभिनिष्क्रमण
• धर्मचक्र प्रवर्तन
• यमक ऋद्धिप्रातिहार्य
• माता मायादेवीलाई अभिधर्म देशना
यसबाहेक बुद्ध धर्मको इतिहासमा पनि यस दिन केही महत्वपूर्ण काम भए । जस्तै
• प्रथम संगायन शुरू
• सम्राट अशोकको कलिङ्ग विजय आदि ।
हरेक बौद्धले आजको दिन भगवान बुद्धले सिकाउनुभएको ज्ञान सम्झनेअनि यस दिन घटेका विभिन्न दिनहरु सम्झेर बुद्ध शिक्षालाई प्रचार प्रसार गर्न योगदान दिन सकुँ भनेर प्रार्थना गर्ने हो । स्मरणीय होस् भगवान बुद्धले भन्नुभएको थियो – बहुजनको हितका लागि बहुजनको सुखका लागि चारिका गर । असङ्ख्य मानिसलाई हित गर्ने तथा सुख दिने कुराको प्रचार गर । गुरु बुद्धलाई वन्दना । सबैलाई धर्मचक्र दिवसको उपलक्ष्यमा शुभकामना ।
साभार: राजेन मानन्धर