नेवा: देय् दबूको राष्ट्रिय परिषदको प्रथम बैठक सम्पन्न

काठमाडौं / नेवाः देय् दबूको राष्ट्रिय परिषदको प्रथम बैठक शनिबार काठमाडौंमा बसेको छ ।
नेवा: देय् दबूको धरान महाधिवेशनपछि बसेको राष्ट्रिय परिषदको भेलामा प्रस्तुत गरिएको आर्थिक प्रतिवेदन ,वार्षिक प्रगति विवरण भावी योजना तथा विधानका संशोधनमा समेत छलफल गरिएको थियो ।
कार्यक्रम देय् दबूका केन्द्रिय अध्यक्ष पवित्र बज्राचार्यको अध्यक्षतामा भएको थियो ।
कार्यक्रममा अध्यक्ष पवित्र बज्राचार्यद्वारा प्रगति विवरण र भावी योजना अनि महासचिव सत्यनारायण डंगोल सांगठनिक प्रतिवेदन प्रस्तुत गरेका थिए भने आर्थिक प्रतिवेदन दबूका केन्द्रीय कोषाध्यक्ष निरन्जन रत्न शाक्यले प्रस्तुत गरेका थिए ।
यसपछि देशभरबाट सहभागी हुन आएका पार्षदहरु तथा विभिन्न विभागका पार्षदहरु समूह बनाई प्रतिवेदन तथा विधानमा रहेका कमी कमजोरीमा समेत छलफल गरेका थिए । विभिन्न समूहका नेतृत्व गर्नेहरूले पार्षदहरुको सल्लाह सुझाव र कमी कमजोरी बारे जानकारी गराएका थिए भने समाधानका निम्ति जवाफ दिने कार्य महासचिव तथा कोषाध्यक्षबाट भएको थियो ।
नेवा: देय् दबूका संस्थापक खल:पुच:हरुको स्थान बारे बिधानमा स्पष्ट उल्लेख हुनुपर्ने विषयमा पनि पार्षदहरुले आवाज उठाएका थिए ।
कार्यक्रमको पहिलो चरणमा प्रतिनिधि सभा तथा प्रदेश सभामा विजयी सांसदहरूको सम्मान गरिएको थियो ।
.