लुम्बिनी बज्रयान महाविहारमा दीपंकर बुद्ध मूर्ति प्रतिष्ठापन

रुपन्देही /लुम्बिनीमा रहेको नेपालको मौलिक विहार नेपाल बज्रयान महाविहारमा दीपंकर बुद्धको मूर्ति स्थापना गरिएको छ ।
वज्रयान महाविहारमा स्थापना गर्नको लागि ललितपुर निवासी दाता एवं यस विहारका संचालक समितिका पूर्व सदस्य-सचिव  नेमवीर शाक्यले दान गरेको दीपंकर बुध्दको प्रतिमाको मंगलबार  बाजागाजा सहित जात्रा गरी लुम्बिनी मायादेवी मन्दिर परीक्रमा गराई नेपाल बज्रयान महाविहारमा पुर्‍याइएको थियो ।  महाविहारका चक्रेश्वर प्रा.डा. नरेश मान बज्राचार्य को मूलाचार्यत्वमा बिधिवत पूजा गरी उक्त दीपंकर प्रतिमाको प्रतिस्था सम्पन्न गरिएको थियो ।
कार्यक्रममा सहभागी हुन काठमाडौंबाट धेरै श्रद्धावान व्यक्तिहरु लुम्बिनी पुगेका थिए । यसभन्दा अगाडि दुई दिन वज्रयान परम्परा अनुसार  दीपंकर बुद्धको मूर्ति प्राण प्रतिष्ठा पूजा ललितपुरमै दाता नेमबीर शाक्यको आवासमा भएको थियो । पूजामा चक्रेश्वर प्रा. डा. नरेशमान बज्राचार्य , राजगुरुजु मन्जुश्री रत्न वज्राचार्य , दशरत्न बज्राचार्यले विविध पूजा विधिपूर्वक सम्पन्न गरेका थिए ।