निर्णय ( चिबाखं )

महर्जन रत्न

सन्ध्या पुला: बहनी , बहनी पुला: चा जुइन ।
जि अलमल ! छु याये छु याये !
अन्तय् वैगु फुक्कं चिं हुया छ्वयेगु निर्णय याना ।
थयक्क स्वया , ल्हातिइ घडी वं ब्युगु उपहार जिं त्वया ।
मिखा , ओहो चस्मा ! व नं लिकाना ।
जिं ला वं ब्युगु झोला हे ज्वनाजूगु खनिं ।
झोला नं त्व:ता ।
वैगु लुमन्ती चिं छता छता यायां फुक्कं वांछ्वया ।
जिके छुं नं मन्त वया चिं !
जित: याउँसे च्वन ।
जिं धैगु याना । जिं छु निर्णय याना व याना ।
बाचा ई जुइ धुंकल । द्यनेत लासाय् वना । जराक्क क्वाना वल ।
लुमुजलं जित: व लुमंका बिल ।
जिं वयागु सकतां चिं वांछ्वये धुन ।
तर वैत अझं वांछ्वये मफु खनिं!
व जिगु न्ह्य:ने मुसुं न्हिला: दंवल !
सुथया ज: खनेदत !

feature image: artsgallerynepal.com