पोखरामा धिमे तथा पंचबुद्ध नृत्य प्रशिक्षण समापनमा गण्डकी प्रदेशका मुख्यमन्त्री सम्मीलित

,पोखरा / नेवा: खल: कास्कीको भातृ संगठन नेवा: मिसा पुच: कास्की र नेवा: ल्याय‌्म्ह पुच: कास्कीको आयोजनामा माउ संस्था नेवा: खल: कास्कीको संयोजकत्वमा आयोजना गरिएको परम्परागत धिमेबाजा तथा नेपालको मौलिक शाश्त्रिय नृत्य अपन्चबुद्ध नृत्य प्रशिक्षण कार्यक्रम सम्पन्न भएको छ ।
गण्डकी प्रदेशका मुख्यमन्त्री खगराज अधिकारीको प्रमुख आतिथ्यतामा समापन कार्यक्रम भएको हो | पोखरा महानगरपालिका वडा नम्बर ३ को आर्थिक सहयोगमा सम्पन्न उक्त प्रशिक्षण कार्यक्रममा पोमनपा वडा नं ९ बाट ८ वटा धिमेबाजा नेवा: खल:लाई सहयोग प्रदान गरिएको थियो |

प्रशिक्षण कार्यक्रममा धिमेबाजा प्रशिक्षार्थी ६३ जना र पन्चबुद्ध नृत्यका २५ जना प्रशिक्षार्थीले बज्रकलाकुन्ज काठमाडौंबाट आएका प्रशिक्षक सुदनमान मुनिकारबाट पुर्ण प्रशिक्षण पाएका थिए ।
नेवा: खल: कास्कीका अध्यक्ष अशोक पालिखे आफूहरू भनाइमा मात्र हैन कार्य क्षेत्रमा पनि उतिकै लाग्ने गरेको र सोही अनुसार यसरी संस्कृति जोगाउने उद्देश्यसहित यस प्रशिक्षण कार्यक्रमको आयोजना गरिएको र निरन्तर रुपमा गरिरहेको बताए ।
” युवाहरु को सस्कृतिप्रतिको यो उत्साह अझ अगाडी बढिरहोस ” भन्ने कामना गरी यसरी भाषा संस्कृति सिकाउने कार्य गर्दै आएको नेवा: मिसा पुच; कास्कीका संस्थापक अध्यक्ष शान्ति श्रेष्ठ उदासले बताए ।

कार्यक्रममा कुमारी पंचबुद्ध नृत्य तथा धिमे बाजाको प्रस्तुति गरिएको थियो ।