गण्डकी प्रदेशको स्वास्थ्य संस्थाहरुको संगठनको अधिबेशनमा संस्थापक अध्यक्ष अशोक पालिखे सम्मानित

माघ ६, पोखरा / एसोसिएसन अफ प्राइभेट हेल्थ ईन्स्टिच्युसन अफ नेपाल (अफिन) गण्डकीको दोस्रो अधिबेशन दोस्रो अधिबेशन
गण्डकी प्रदेशका मुख्यमन्त्री मानवीय खगराज अधिकारीको प्रमुख आतिथ्यतामा सम्पन्न भएको छ । अफिन गण्डकीका अध्यक्ष अशोक पालिखेको अध्यक्षतामा पोखराको लेकसाइड स्थित अतिथि रिसोर्टमा भएको थियोे उक्त कार्यक्रम भएको हो । कार्यक्रममा गण्डकी प्रदेशका ३९ वटा हस्पिटलका संचालक, चिकित्सक तथा स्वास्थ्यकर्मिहरुको ठुलो संख्यामा सहभागीता रहेको थियोे। 
कार्यक्रममा पोखराका सफल व्यवसायी तथा मातृभाषा ,कला संस्कृति क्षेत्रमा समेत सफल नेतृत्व दिएका व्यक्तित्व तथा बिगत ७ बर्षदेखि अफिन गण्डकीलाई पनि नेतृत्व दिएर एक स्थापित संस्था बनाउन सफल व्यक्तित्व तथा संस्थापक अध्यक्ष अशोक पालिखेलाई सम्मान गरिएको थियो।
त्यसैगरी स्वास्थ्यको क्षेत्रमा लामो समय सेवारत स्वास्थकर्मिहरुलाई दीर्घसेवा सम्मान पनि प्रदान गरिएको थियो । चिकित्सा क्षेत्रमा लामो समय सेवा गर्दै आएका डा.कालु शर्मा, नर्सिङ क्षेत्रमा ४९ बर्षदेखि निरन्तर सेवा गर्दै आएका नर्स सरिता गुरुङ, फार्मेसी क्षेत्रमा ४२ बर्षदेखि सेवा गर्दै आएका फार्मेसिस्ट श्रीराम पराजुली, प्रयोगशाला क्षेत्रमा ३९ बर्षदेखि सेवा गर्दै आएका हरिबहादुर केसी र रेडियोलोजी क्षेत्रमा सेवारत शारदाप्रसाद न्यौपानेलाई प्रमाणपत्र सहित सम्मान गरिएको थियोे।

उक्त अधिबेशनले साहारा हस्पिटलका डा. गिरधारी शर्माको अध्यक्षतामा नयाँ कार्यसमिति चयन पनि गरेको छ। अधिवेशनबाट कार्यसमितिमा क्रमश :उपाध्यक्षमा कपिल पोखरेल (चरक मेमोरियल हस्पिटल )सचीवमा ऋषि खतिवडा(बिजी हस्पिटल )कोषाध्क्षमा सुर्य पोखरेल(कास्की मोडेल हस्पिटल) चुनिएका छन् ।
सदस्यहरुमा डा. सन्दीप गोरखाली, डा. चन्डिका पन्डित, कल्पना पौडेल, शोभाकान्त पौडेल ,चुडामणिा दाहाल त्यसैगरी आमन्त्रित सदस्यहरुमा डा. केशव शर्मा ,दिपेन थापा ,दिनेशबाबु खड्क ,ऋषिराम सापकोटा चयन भएका छन्।
कार्यक्रममा पोखरा स्वास्थ बिज्ञान प्रतिष्ठानका उपकुलपति डुकबहादुर क्षेत्री , अफिन केन्द्रका अध्यक्ष डा पदमबहादुर खड्का, प्रमुख जिल्ला अधिकारी कास्कीका टेकबहादुर केसी, मणिपाल शिक्षण अस्पतालका निर्देशक नारायण पौडेल, गण्डकी मेडिकल कलेजका प्रीन्सिपल रबिन्द्रप्रसाद श्रेष्ठ लगायतको आतिथ्यता रहेको थियो।