नेवा: हना सिरपा लिसें डा.बाल गोपाल व श्रीलक्ष्मीया २/२ पा सफू विमोचन

सक्व/ थनया नेपालभाषा मूंज्याः खलःया ग्वसाःलय् नेवा: हना सिरपा लल्हायेगु व सफू विमोचन ज्याःझ्व: जूगु दु ।
सक्वया सामरा गार्डेन रिसोर्टय् जूगु उगु ज्याझ्वःस मू पाहां कथं जनकवि दुर्गालाल श्रेष्ठ या ल्हातिं नेपालभाषा साहित्यया अतिकं हनेबहपिं महारथीपिं आख्यानकार भाजु मथुरा सायमि, कवि योगेन्द्र प्रधान,व वरिष्ठ समालोचक नर्मदेश्वर प्रधानयात म्हतिं नीद्व तका (रू. २००००/=)नापं हना पौ देछासें हंगु जुल।
उगु हे ज्याझ्वःस भाजु प्रा. डा. भाजु बाल गोपाल श्रेष्ठया “जिगु दापू जिगु धापू” ,” नेपालय् जातीय पहिचान व भाषा सामान अधिकारया न्हेस:”  मयजु श्री लक्ष्मी श्रेष्ठया ” जीवनया लँपुइ” , “एल्फ्यस” याना:  निगु निगु कृति नं पिथनेगु ज्या जुगु ख: ।
सफू विमोचन छसिकथं जनकवि दुर्गालाल श्रेष्ठ मल्ल के सुन्दर व मथुरा सायमिं यानादीगु ख: ।
ज्याझ्वलय् हनेज्या या:पिं साहित्यकारपिनिगु च्वज्याया इतिहासयात कया: प्रा. कमलहीरा तुलाधरं खँ तयादीगु ख: ।
नेपाल भाषा ख्यलय् ताहाक: ई पानादीम्ह लाइडेन युनिभर्सिटी नेदरल्यान्डय् ब्वंकाच्वनादीम्ह भाजु प्रा. बाल गोपाल श्रेष्ठं नं थुगु सिरपाया निरन्तरता लिसें थीथी विषययात कया: खँ तयादीगु ख: ।