महर्जन कम्प्लेक्सको बुकिङमा करोडौंको उपहार योजना

काठमाडौं / काठमाडौंको मुख्य व्यापारिक केन्द्रको रूपमा रहेको न्यूरोडस्थित महर्जन कम्प्लेक्समा पसल कवल बुकिङ गर्नेहरुका लागि बिभिन्न उपहारसहितको योजना ल्याएको छ । महर्जन बिजनेस एसोसिएट्सले कम्प्लेक्समा पसल कवल बुकिङ गर्नेलाई टेस्ला गाडी ,आइफोनसहितको उपहार योजनासहित बुकिङ खुल्ला गरेको हो । महर्जन बिजनेस एसोसिएट्सका अध्यक्ष कृष्णलाल महर्जनका अनुसार सीमित संख्यामा बाकी रहेका पसल कवल बुकिङ गर्ने व्यवसायीहरुलाई विशेष छुटको व्यवस्था गरेको पनि बताए । सम्पदा मैत्री व्यापारीक कम्प्लेक्सको रूपमा चर्चित यो मल न्युरोडको पनि सबैभन्दा आकर्षक क्षेत्रमा रहेको छ ।
योजना अनुसार पसल कवलहरु बुकिङ गर्नेलाई गाडीको साथै १० प्रतिशत छुट र खाली नजाने गरी हरेकलाई आईफोन १४ दिइनेछ । यो योजना आउँदो पुस २५ गतेसम्म लागु हुने छ। साथै लक्की ड्रमार्फत डेढ करोड मूल्यको टेस्ला गाडी र हिराको, सुनको हारसमेत उपहार दिने अफर ल्याएको जनाइएको छ ।
कम्प्लेक्समा पसल बुकिङ गर्नेहरुमध्येमा लक्की ड्रमार्फत प्रथम पुरस्कारस्वरुप एक जनालाई टेस्ला गाडी दिइने बताइएको छ । त्यस्तै दोश्रो पुरस्कार हुन्डाइको कोना कार एक जनालाई, तेश्रो पुरस्कार नीटा इभि कार एक जनालाई दिन लागिएको छ । चौथो पुरस्कारमा हिराको हार र पाँचौ पुरस्कारमा सुनको हार एक एक जनालाई दिइनेछ । यसको साथमा पसल बुक गर्ने हरेकलाई आइफोन -१४ दिने कम्पनीले जनाएको छ ।
पुस १३ गते बुधबारबाट हुने यो अफर आउँदो पुस २५ गतेसम्म मात्र रहने छ ।