कौतिक अन्तर्राष्ट्रिय चलचित्र महोत्सवमा दुई नेपाली चलचित्र अवार्ड पाउन सफल

नैनीताल/ छैठौं कौतिक अन्तरराष्ट्रीय फिल्म फेस्टिभलमा नेपालका दुई सिनेमा ‘ऐना झ्यालको पुतली’ ( फिचर ) र द आइरन डिगर(बृत्तचित्र) पहिलो स्थानमा पुग्न सफल भएको छ । गत डिसेम्बर २ तारीखदेखि ४ तारिखसम्म भारतको उत्तराखण्ड राज्य, नैनिताल जिल्लाको मर्चुलामा अबस्थित जिम कोबर्ट नेशनल पार्क (Jim Corbett national Park)भित्र रहेको महसीर फिशिङ क्याम्प रिसोर्टमा उक्त फिल्म फेस्टिबल भएको थियो ।
सहरी कोलाहलबाट निकै टाढा, मोबाइल नेटवर्कको पहुंचबाट मुक्त शान्त, स्वच्छ बाताबरणसंगै रामगङ्गा नदिको किनारमा विभिन्न देशले प्रतिनिधित्व गरेको थरी थरी स्वाद र किसिमका फिचर,बृत्तचित्र, अनिमेसन र शर्टमुभी गरि जम्मा ५० वटा चलचित्र हरुको रस्वादन गरिएको थियो ।
यसपाली विभिन्न ४४ देशबाट सहभागिता जनाइएको थियो । यस कौतिक अन्तरराष्ट्रीय फिल्म फेस्तिभलको मूल उद्देष्य हरेक बर्ष विभिन्न देशका फिल्मकर्मी, कलाकार, फिल्म विद्यार्थी र ज्ञाताहरु बीच एक आपसमा बृहतछलफल ,बिचार बिमर्स गरिनु रहेको थियो । रमाइलो वातावरण एवं स्थानको अनुभव गर्दै करीब २०० जनाको सहभागिता रहेको थियो ।नेपाल, भारत, युके, युएसए, स्विट्जरल्याण्ड,स्पेन, क्यानडा,इटाली, फ्रान्स,पोर्चुगल,इजिप्ट,अस्ट्रेलिया, डेन्मार्क,पोल्याण्ड, ग्रीस,रुस, युक्रेन, ट्युनिसिया, युएई,फिलिपिन्स,नेदर्ल्याण्डस्,आयर्ल्याण्ड, मोरोक्को, हङकङ, चीले,बेनिन, बुल्गेरिया, बाहरेन,अजरबैजान, इरान, अर्जेन्टिना,टर्किये,चीन,जापान, ताइवान, मलेसिया, कोरिया,मार्टिनेक, पानामा, बोत्स्वाना, ब्राजिल,मेक्सिको देशहरुबाट आआफ्नो सहभागिता जनाएको फेस्तिभल डाइरेक्टर श्री राजेश शाहले बताउनु भएको थियो ।
शुभारम्भ चलचित्रको रुपमा भारतको ” Pebbles ” थियो भने अन्तिम क्लोजिङमा स्पेनको ” Magoda ” चलचित्र देखाइएको थियो । यसपाली country of Focus मा इरानि चलचित्रहरु थियो । छनोट समितिले फिचरमा १०, शर्ट फिचरमा १६, डकुमेन्ट्रीमा ८ र एनिमेसनमा ६ वटा चलचित्रहरु छानेका मध्य नेपाली चलचित्र ” ऐना झ्यालको पुतलि” ले , उत्कृष्ट अभिनेता,उत्कृष्ट अभिनेत्री , उत्कृष्ट सम्पादक तथा उत्कृष्ट चलचित्र गरि चार बिधामा अवार्ड हात पार्न सफल भयो । सो चलचित्रका  निर्देशक सुजित बिदारी हुन् । बृत्तचित्रमा नेपालकै ” The Iron Digger ” उत्कृष्ट हुन सफल भयो । यसका निर्देशक अनिल बुढामगर हुनु हुन्।
क्यानाडा, बंगलादेश, नेपाल , भारत, इटाली, इरानका पर्यबेक्षकहरुको सहभागिता रहेको थियो । नेपालका तर्फबाट वरिष्ठ सम्पादक फिल्म निर्देशक माणिक रत्न तुलाधरले निर्णायक मण्डलको सदस्य तथा  पर्यबेक्षकको रुपमा सहभागिता जनाएका थिए।