….प्रकृति… !!

….प्रकृति… !!
( चि-बाखं)

मथुरा साय्‌मि

सुन्दरी खापा घाराक्क चायेकाकथं प्रभुया क्वथाय् दुस्वत । प्रभु खाताय् ग्वतुलाच्वन ।

प्रभु बुलुहुॅ फ्यतुत । सुन्दरीया ख्वाः छकः स्वत ।
सुन्दरीं थःगु नुगः-खॅ तल ,” छगू इच्छा दु , प्रभु । ”

” व छु ले ? ”

” जि छःपिनि मचाया मां जुइगु इच्छा दु । जिगु इच्छा पूवने माल ।”

प्रभुया म्हुतुं खॅ पिज्वल ,” तसकं लिबात सुन्दरी । तसकं लिबात । पिने सर्गतय् छकः स्वसा , द्यः लुकुंबी धुंकल । छ लिहाॅ हुॅ, थःगु हे लॅय् ।”

बाताबरण मौन जुल। प्यखेरं झिंझांमिंजां दन … !!!