डोटीमा बिनाशकारी भूकम्प , पराकम्प आउनेक्रम जारी

डोटीमा भूकम्पका कारण ६ जनाको मृत्यु भएको अधिकारीहरूले बताएका छन्।
राष्ट्रिय भूकम्प मापन तथा अनुसन्धान केन्द्रका सूचना अधिकारी नारायण बाँस्कोटाका अनुसार राति २ बजेर १२ मिनेट जाँदा खप्तड राष्ट्रिय निकुञ्ज वरपर केन्द्रबिन्दु बनाएर ६.६ म्याग्निट्यूडको भूकम्प गएको हो।
भूकम्पका कारण पूर्वीचौकी गाउँपालिकाका भौतिक संरचना भत्किँदा ६ जनाको मृत्यु भएको र ५ जना घाइते भएको डोटीका प्रमुख जिल्ला अधिकारी कल्पना श्रेष्ठले जानकारी दिइन्।
भूकम्पपछि पहिरोको डर, नेपालमा पहिरो दोहरिरहनुका चार कारण
उनका अनुसार ३:५८ बजे ३.९ म्याग्निट्यूडको परकम्प बाजुरामा महसुस भएको हो। भूकम्पको धक्का कर्णाली र लुम्बिनी प्रदेशका विभिन्न जिल्लामा पनि महसुस गरिएको बताइएको छ।
बीबीसी नेपाली सेवाका संवाददाता प्रकाश पन्तले सुर्खेत वीरेन्द्रनगरबाट उपलब्ध गराएको विवरण अनुसार भूकम्पको धक्काका कारण सुर्खेतमा पनि मानिसहरू आक्रान्त भएका थिए।
“वीरेन्द्रनगरमा मानिसहरू धेरै नै चिन्तित देखिएका थिए। भूकम्पको धक्का महसुस भए पछि मानिसहरू रातभर घरबाहिरै बसेका थिए। कतिपय सडकमै समेत निस्किएका थिए,” पन्तले जानकारी दिए।
शृङ्खलाबद्ध कम्पन
डोटीमै मङ्गलवार राति पनि ९:७ बजे ५.७ म्याग्निट्यूडको र ९:५६ बजे ४.१ म्याग्निट्यूडका भूकम्प गएका थिए।
“सबैभन्दा ठुलो धक्का चाहिँ मध्यरात कै रह्यो। जसको परकम्प छिमेकी जिल्लामा भएको देखिएको छ,” अधिकारी बाँस्कोटाले भने।
सिन्धुपाल्चोक आसपास केन्द्रविन्दु बनाएर किन भूकम्प गइरहन्छ
भूकम्पपछि पहिरोको डर, नेपालमा पहिरो दोहरिरहनुका चार कारण
उनका अनुसार ३:५८ बजे ३.९ म्याग्निट्यूडको परकम्प बाजुरामा महसुस भएको हो। भूकम्पको धक्का कर्णाली र लुम्बिनी प्रदेशका विभिन्न जिल्लामा पनि महसुस गरिएको बताइएको छ।
बीबीसी नेपाली सेवाका संवाददाता प्रकाश पन्तले सुर्खेत वीरेन्द्रनगरबाट उपलब्ध गराएको विवरण अनुसार भूकम्पको धक्काका कारण सुर्खेतमा पनि मानिसहरू आक्रान्त भएका थिए।
“वीरेन्द्रनगरमा मानिसहरू धेरै नै चिन्तित देखिएका थिए। भूकम्पको धक्का महसुस भए पछि मानिसहरू रातभर घरबाहिरै बसेका थिए। कतिपय सडकमै समेत निस्किएका थिए,” पन्तले जानकारी दिए। (साभार : बिबिसी नेपाली )