छपता सिन्हः ( चि-बाखं)

मथुरा साय्‌मि

मोबाइल तिररर न्यायवं रचनां ल्हाःती कयाः स्वत । निर्मलया फोन ।जमानाया छम्ह पासा ।
रचना – धैदिसॅ निर्मलजु । छिगु फोन-कल । पत्याः हे मजुल जि ।
निर्मल – खःया । दॅ दॅ हे दत, मखनागु नं । थौ छकः लुमना वैच्वन । उकिं ….।
रचना-  थौ छु ?
होली का । झी न्हापा छकः म्हितागु लुमंसे वयाच्वन । थौ नं छकः म्हिते मास्तेवल । जिउला ?

गबायत रचनाया सः हे मवल ।

रचना – मखु, निर्मलजु । म्हाः । मम्हितागु न्यादॅ हे दत ।
निर्मल-  न्यादॅ हे छाय् ?
रचना – वयकः मदुगु न्यादॅ हे दत
नर्मल: ओ, आइ सी । लुमन । अयसा ला थौ होली म्हिते हे माः । यस् । सिन्हः छपता सां ती हे माः । जि वये न्हिं ? छपता सिन्हः…। छु धया ?

मोबाइलय् रचनाया सः मथ्वल ।

निर्मल – हेलो । रचना । ग्व , छं न हे मवात ।
रचना – ( भचालं) जिउ , झासॅ । छिक्पिं निम्हतिपुलिं झासॅ ।

निर्मलया म्हुतु मसन !!!