सन् १९८४ मा चोरिएको लक्ष्मी–नारायणको मूर्ति प्रतिस्थापन

काठमाडौं / ललितपुर पाटनको पट्को टोलबाट चोरिएको लक्ष्मी–नारायणको मूर्ति नारायण मन्दिरमा आज प्रतिस्थापन गरिएको छ । सन् १९८४ मा लक्ष्मी–नारायणको मूर्ति मन्दिरबाट चोरिएको थियो ।
३८ वर्षपछि उक्त मूर्ति अमेरिकाबाट फिर्ता गरी साविककै नारायण मन्दिरमा शनिबार प्रतिस्थापन गरिएको हो । यो मूर्ति चोरिएकोबारे सन् १९८९ मा प्रकाशित अन्वेषक लैनसिंह वाङ्देलको कृति स्टोलन इमेजेन अफ नेपालमा उल्लेख गरिएको छ । यो मूर्ति सन् १९८४ मा चोरिएको विवरण वाङ्देलको कृतिमा उल्लेखित छ ।

पाटन, पट्को टोलस्थित नारायण मन्दिरबाट चोरिएर अमेरिका पुर्याइएको लक्ष्मीनारायण मूर्ति लामो खोज, अनुसन्धान र कूटनीतिक प्रयत्नपछि गतवर्षको चैत ३० गते मूर्ति अमेरिकाबाट नेपाल ल्याइएको थियो । मूर्ति अमेरिकाको हल्लास म्युजियममा प्रदर्शनमा आएपछि चोरीको नेपाली सम्पदाबारे सरोकार बढ्दै गएर म्युजियमले मूर्ति फर्काएको थियो ।

courtesy :gorkhapatra online