रितादेवी प्रधानया निपा: सफू शताब्दी पुरुषपाखें विमोचन

यल/ नेपालभाषा साहित्य ख्यःलय् लसताया खँ धायेमा: थपू यायेगु वंगु बुधवाः साहित्यकार मय्‌जु रितादेवी प्रधानया निगू सफू ‘तापालय् थ्वःगु सः’ बाखं मुना व ‘फय् वःगु लँय्’ हाइकु मुना सफूया विमोचन  जूगु दु । सफू विमोचन ज्याझ्व: लोक साहित्य परिषदया छेंय् वाङ्मय शताब्दी पुरुष संस्कृतिविद् सत्यमोहन जोशीया मूपाहाँसुइ जूगु ख: ।
ज्याझ्वलय् दिलबहादुर चित्रकार तुयु पुं, पूर्णकाजी ताम्राकार, डा. पुष्पराज राजकर्णिकार, ध्रुब मधिकःमिं, शाक्य सुरेनपिन्सं साहित्यकार रितादेवी प्रधानया निगू सफू ‘तापालय् थ्वःगु सः’ बाखं मुना व ‘फय् वःगु लँय्’ हाइकु मुना सफूयात कया नुगःखँ तयादीगु खः। ज्याझ्वलय् अन्तर्राष्ट्रिय नेपाली साहित्य समाजया गीता खत्रीं नं नुगःखँ तयादीगु खः ।
अमेरिकाय् च्वनादीम्ह सफूया च्वमि साहित्यकार रितादेवी प्रधान मयजुं भर्चुअल माध्यमं थःगु नुगःखँ तयादीगु खः ।
ज्याझ्वलय् ग्वाहालि यानादीपिन्त मतिनाया चिं नं ल:ल्हागु ख: ।
सफू बिमोचन ज्याझ्व: नेवाः हाइकु ख्यः व सिर्जना अभियान समाजया ग्वसालय् जूगु खः ।