नेपालभाषा मिसा उपन्यासकार धेधेंबल्ला:या लिच्व: – उपन्यास साहित्यय् थपू

यें/ नेपालभाषा साहित्य ख्यलय् मिसा उपन्यासपिनि ल्या: तस्कं म्ह्व। निम्ह जक । उकियात वा: चायेका वरिष्ठ साहित्यकार मथुरा सायमिं मिसा उपन्यास कारपिन्त हस्ते धासें उपन्यास च्वकेगु कासा न्हाकादिल । गुकिइ न्हापांगु सिरपा २५ द्व: तका निसें हपा: सिरपा ५ द्व: तका तक घोषणा यानादिल ।
थ्व हे आह्वानय् १२ म्ह मिसा च्वमिपिसं उपन्यास च्वयादिल ।
धेंधेंबल्लाया नतिजा लिसें सिरपा व हनाया नितिं शन्चरबा: यें, नेपा: बैंक्वेटय् त:जिगु ज्याझ्व: जुल । हनेबहम्ह जनकवि दुर्गालाल श्रेष्ठया मू पाहांसुइ अले मेम्ह नेवा: न्ह्यलुवा अले सशक्त च्वमि मल्ल के सुन्दरया पाहांसुइ ।
थुकि “कोरोनाया किचलय्” उपन्यास च्वयादीम्ह लक्ष्मी श्रेष्ठ न्हाप घोषित जुल । ल्यू अन्जना ताम्राकार । अथे हे मेपिं साहित्यकार मयजुपिन्त हपा: सिरपा लिसें दसिपौ हनेबह:म्ह मूपाहां जनकवि दुर्गालाल श्रेष्ठ पाखें बीगु ज्या जुल ।

न्हाप जूगु उपन्यास, च्वमि-श्रीलक्ष्मी श्रेष्ठ

न्हूपिं लिसें पुलांपिं च्वमिपिं दुथ्या:गु थुगु धेधेंबल्लाखय् उपन्यास च्वया: ब्वति कयादीपिं उपन्यासकारपिं छसिकथं अपर्णा प्रधान, अर्चना शाक्य, अन्जना ताम्राकार, उर्मिला डंगोल, दिव्या बज्राचार्य, नःलि बज्राचार्य, निजिरोस श्रेष्ठ, भवानी तुलाधर, डा.रीना तुलाधर, रीता महर्जन, रेणु श्रेष्ठ, श्रीलक्ष्मी श्रेष्ठपिं खः ।                                      उगु कासाय् मयजु डा. रीना तुलाधरया थःगु उन्यास अप्रतियोगीकथं दुथ्याकादीगु खः । लक्ष्मी श्रेष्ठया उपन्यास न्हाप जुया: नीन्याद्धः तका दां सिरपा त्याकादीगु खःसा अञ्जना ताम्राकारया ह्यूपाः लिउ जुया झिद्वः तका दां त्याकादीगु खः । थुकथं हे हःपाःकथं पाल्पा तानसेनया अर्चना शाक्यया ख्वबि व लायलामा, नःलि बज्राचार्यया कथहं व वरिष्ठ साहित्यकार अपर्णा प्रधानया समर्पणयात म्हतिं न्याद्वः न्याद्वः तकाया सिरपाः लःल्हाःगु खः । वयकःपिन्त ग्वसाः खलः उपन्यासकार मथुरा सायमि सिरपा देछायादीगु खः ।

कासाया निर्णायकय् नांजाःपिं साहित्यकारपि  मल्ल के सुन्दर, डा. पुष्पराज राजकर्णिकार व प्रा. प्रेमशान्ति तुलाधरपिं स्वम्ह च्वनादीगु खः ।

डा. रीना तुलाधरया उपन्यास धा:सा प्रतियोगिताय् तयामदीगु ख: ।
मिसा उपन्यास च्वमिपिनि ल्या थुकथं थकायेगु ज्या यानादीम्ह मथुरा सायमि सुभाय्‌या पात्र ख: ।  (भिडियो लिंक पूवंक स्वयादिसं!)

सुभाय् प्रकाशनया न्हापांगु पिथना कथं पिहांव:गु उपन्यास च्वमि रिता महर्जनया “हामा” नं थुगु धेधेंबल्  दुथ्यागु ख: । वंगु अप्रिल ८ तारीख स हनेबह:म्ह मथुरा सायमिपाखें भर्चुअल ब्वज्या यानादीगु थुगु उपन्यास प्रतिस्पर्धाय् दुहांव:गु न्हापांगु उपन्यास ख:। थुकथं  रीता महर्जन नेपाल भाषा साहित्यया स्वम्हम्ह उपन्यासकार जुइत ता:लागु नं ख: । ज्याझ्वलय् यक्व साहित्य ह्यमिपिनि ब्वति दुगु ख:।