आज थप १०९६ जनामा कोरोना सङ्क्रमण पुष्टि, काठमाडौंमा मात्र २००भन्दा बढी संक्रमित,१२ जनाको मृत्यु

काठमाडौं / दशैं मनाउँदै गर्दा कोरोना संक्रमित पनि ह्वात्तै बढेको छ । पछिल्लो २४ घण्टामा १०९६ जना कोरोना भाइरसका सङ्क्रमित थपिएका छन् । ८१४० जनामा आरटीपीसीआर परीक्षण गरिएकोमा ९५७ जनामा तथा १७७६ जनामा एन्टिजेन परिक्षण गरिएकोमा १३९ जनामा कोरोना संक्रमण पुष्टि भएको कूल १०९६ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

काठमाडौंमा मात्र २००भन्दा बढी संक्रमित थपिएका छन् ।

स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७ .१ प्रतिशत रहेको जनाएको छ ।
पछिल्लो २४ घण्टामा १००४ कोरोना मुक्त भएको स्वास्थ्य मन्त्रालयले जनाएको छ । यसैगरी, पछिल्लो २४ घण्टामा १२ जना सङ्क्रमितको मृत्यु भएको छ ।