येंया:या समय्‌बजि

महर्जन रत्न

येंया: पुन्ही । समय बजि नयेगु दिन । नच्चा ल्यायम्ह जि ।
समय बजि नापं थ्वं छ्ख्वला थ्वं नं त्वना । मन हे न्ह्यैपुगु अनुभव जुल । जि मातनय् जिगु क्वथाय् वया ।

झ्यालय् लिक्क च्वंगु मेचय् फ्यतुना।
चुलिंचु छेंया झ्यालय् वैत खना । हिसिदुम्ह नच्चा ल्यासे!
वं जित: स्वयेत हे झ्यालय् वया: पिया च्वंगु थें च्वं चुच्वंगु स्वयेबलय्।
थौं मस्यु वैत खनेवं जित: नुगलंनिसें न्ह्यैपुथें तायावल ।
तरंग थें वल ।
मस्यु छु जुल छु जुल ।
जि वैत स्वया: मुसुं न्हिला बिया मिखा गुजुं कायेका: !
व झ्यालं बिस्युं वन, मछाला: !

जि झसंग वन ।
थ्वं छख्वलां क्वानाव:गु म्ह
थ्वं छख्वलां वा:थें जुल ।
न्ह्यैपुगु उर्जा झ्वाराक्क वा:थें जुल ।
भचा ग्या:थें नं जुल ।
तीजक थुखे उखे स्वया
सुनां मखं खनिं!
जिं सन्तोषया सास: ल्हाना !
व न्ह्य:ने झ्यालय् स्वया
झ्या: नं खाली खनिं !
(लुमं लुमं न्ह्यैपुसे च्वं )