हलिं नेवाः न्ह्यसः लिसः कासा (हाजिरी जवालफ) शुरु

हलिं नेवाः दबू (वल्र्ड नेवाः अर्गनाइजेसन÷डब्लुएनओ)को आयोजनामा ‘हलिं नेवाः न्ह्यसः लिसः कासा –११४१ (विश्व नेवाः हाजिरी जवाफ प्रतियोगिता– ११४१) शुरु भएको छ । हलिं नेवाः दबू स्थापना भएको एक दशक पुगेको अवसरमा उक्त प्रतियोगिताको आयोजना गरिएको हो ।
डब्लुएनओका अध्यक्ष सिजन श्रेष्ठको अध्यक्षतामा भएको कार्यक्रमको उद्घाटन वरिष्ठ संस्कृतिविद् वाङ्मय शताब्दीपुरुष डा. सत्यमोहन जोशीले पानसमा दी प्रज्वलन गरि गर्नुभएको थियो । कार्यक्रमको उद्घाटन गर्नु हुँदै प्रमुख अतिथि शताब्दीपुरुष जोशीले विश्वभरि छरिएर रहेका सम्पूर्ण नेवाः समुदायको अन्तर्राष्ट्रियस्तरको संगठनले यस प्रकारको कार्यक्रम आयोजना गर्नु सा¥है नै प्रशंसा योग्य भएको बताउनु भयो । साथै उहाँले यस प्रकारको कार्यक्रमले नेपाल बाहिर रहेर पनि आफ्नो भाषा, कला, संस्कृति र आफ्नो पहिचान उजागर गर्ने कार्य गरिरहको सम्पूर्ण नेवाः व नेपालीहरुलाई एकजुट गर्न सहयोग सघाउ पु¥याउने विश्वास व्यक्त गर्नुभयो ।
कार्यक्रमका विशेष अतिथि नेपालभाषाका वरिष्ठ साहित्यकार साथै शिक्षाविद् हितकरवीर सिंह कंसाकारले नेपालभाषामा यस प्रकारको हाजिरी जवाफ प्रतियोगिता ५० वर्ष अघि ने.सं. १०९१ (वि.सं. २०२८मा) शुरु भएको बताउनु भयो । तत्कालीन समयमा त्रिचन्द्र क्याम्पसको आयोजनामा क्याम्पसस्तरमा र त्यसको ठीक वर्ष दिन पछि थानकोटको मंगलोदय माध्यमिक विद्यालयको आयोजनामा विद्यालयस्तरमा नेपालभाषाको हाजिरी जवाफ प्रतियोगित आयोजना भएको स्मरण गर्नु भयो । सो समयमा पहिलोपटक हाजिरी जवाफ प्रतियोगिता आयोजना गरेको क्याम्पस र स्कुलको तर्फबाट शिल्डको समेत प्रायोजन गरेको र सो समयमा उक्त प्रतियोगिताले सोच्दै नसोचेको उचाइ लिएको पनि बताउनु भयो । तर २०४६ सालको राजनीतिक व्यवस्था परिवर्तन पश्चात सम्पूर्ण कार्यक्रमहरु शिथिल भएको मात्र नभई कतिपय कार्यक्रमको गतिविधि नं शुन्य भएकोमा दुःख पनि व्यक्त गर्नुभयो ।
यस प्रकारको प्रतियोगिताले व्यापकता लिएकोले कतिपय व्यक्तिहरुलाई सहभागि गराउन नसकिएको मात्र हैन सेमीफाइनल तथा फाइनल प्रतियोगिता राष्ट्रिय सभागृह र प्रज्ञा भवन जस्तो ठाउँमा टिकटको व्यवस्था गरेर देखाउँदा पनि सबैलाई समेट्न नसकिएको अनुभव सुनाउनु भयो ।
प्रतियोगिता आयोजक समितिका संयोजक साथै डब्लुएनओका कार्यसमिति सदस्य विमलमान श्रेष्ठले स्वागत मन्तव्य दिनु हुँदै प्रत्येक शनिबार नेपालको समयअनुसार साँझ ५ बजे हुने प्रतियोगिता नोभेम्बर महिनासम्म संचालन हुने जानकारी दिनु भयो ।
प्रश्नावली निर्माण कमिटीया संयोजक साहित्यकार केशरमान ताम्राकारले धन्यवाद ज्ञापन गर्नु भएको कार्यक्रममा संस्थाका अध्यक्ष सिजन श्रेष्ठले डब्लुएनओ स्थापनाको एक दशक पुगेको दिन सम्पूर्ण नेवाःहरुले गर्व गर्न लायकको दिनको रुपमा रहेको चर्चा गर्नु भयो । साथै जुन उद्देश्यले संस्था गठन गरिएको हो त्यो उद्देश्य पूरा गर्ने बाटोतर्फ अग्रसर रहेको पनि उहाँले बताउनु भयो ।
प्रत्येक समूहमा ३ जना सहभागि गराई चारवटा समूह विचमा हुने प्रतियोगितामा सहभागि टोलीहरुलाई नेपालभाषामा विभिन्न फूलहरुको नाम दिइएको छ । पहिलो दिनको प्रतियोगितामा भ्वंस्वां प्रथम, सिन्हःस्वां द्वितिय र उफ्वःस्वां तृतिय हुनु भएको छ भने तीनवटै समूह दोश्रो चरणमा प्रवेश गरेको छ । प्रतियोगितामा प्रथम, द्वितिय, तृतिय र सान्त्वना हुनेलाई क्रमशः ६०० अमेरिकी डलर, ४५० अमेरिकी डलर, ३०० अमेरिकी डलर र १५० अमेरिकी डलर साथै प्रमाण पत्र प्रदान गरिने छ । साथै समूहको चरणको सबै प्रतियोगिताको समाप्ति पश्चात सबैभन्दा बढी अंक प्राप्त गर्ने चौथो हुने समूहलाई पनि अर्को चरणमा प्रवेश गराई आयोजकले जनाएको छ ।
यस प्रतियोगितामा नेपाल, अमेरिका, बेलायत, आयरल्याण्ड, क्यानाडा लगायतका देशहरुबाट २० समूहले सहभागिता जनाइरहेको छ ।