नेवा: आन्दोलन – चिबाखं

नरेश आमात्य

शान्तिपूर्ण आन्दोलनय्
-वं स्वां बिल
-मेम्हेसिनं ल: त्वंकल
– मेपिं एम्बुलेन्सया निंतिं लंँ चीक: जुल
-हानं छक: सर्गः थ्वयेक नारा थ्वयेकल,
“प्रहरी हाम्रो साथी हो ।”
– थ:गु घा: ब्वल, स्या:गु स्याःचा: ब्वल, अन्याय ब्वल, अत्याचार ब्वल ।
– धिमे/ भुस्या: थात ।
– लाखे प्याखं ल्हुल ।
वया नापं नापं मे हाल प्याखं ल्हुल
थ:गु नारा प्वंकल ।
अचानक ल:या फोहोरा हल,
फोहोरां कयेकल, लाठीचार्ज यात/ टियर ग्यास कयेकल सायद गोली नं…।
दक्वं तितरबितर जुल,
यक्व घा:पाः जुल
बुराबुरिपिं दने मफुत, मस्त ह्वाँय् ह्वाँय् ख्वल ।
आन्दोलन सिधल ।
आन्दोलनकारी हानं फुक्कं मुन ।
– आन्दोलनं जूगु दक्वं फोहोरत मुन, प्व:चा प्व:चा चिनाः छथाय चीकल ।
– जाम जूगु लंँ चायेकल ।
– हानं वं स्वां बिल ।
– मेम्हेसिनं ल त्वंकल
अले हानं छ्कः नारा थ्वयेकल,
“प्रहरी हाम्रो साथी हो !”