युगकवि सिद्धिचरण श्रेष्ठया – ओखल्ढुंगा

जि जन्म जूगु ख: उगू पहाडयागु अन्तरय्
व बाल्यकालया सखा सिमा लतादि फुक्क हे,
विहंग कीटपिंलिसे जुया: मचा जि त:धिक:
समस्त स्यूगु जिं उकिं थ्व सीगु नं स्वभाविक                              —

बांला:गुली मरु सुधा सरि हे थ्व गाम
न्हूगु व यौवन वयागु छु धाय् थ्वया म्ह,
बांला: व चंचल मजू उइगु स्वभाव
ह्वय् त्यंगु बेलस गथे फूलया स्वभाव                                        —

प्रिय छ व जि व चोना प्रेमया पुष्प ह्वय्‌का
न्हय् दँ तक छ नापं शान्ति विम्बं खयेका ,
तर व समय लिनाह:म्ह वँय् खिचा थें
अन थन मदिसें हे वोन ब्वांब्वां अन्तय् ।                                   —

प्रथम थन लुमंका छंगु सौन्दर्य लीन
जिगु हृदय उझानय् ह्व:गु प्रेम प्रसून ,
सरल सफलता शुद्धगु काय् हनाव
सुखू चिन्य थ्व मलाकं कोखायेका: बिये थ्व ।                            —

सुहृदय गुनकेरा देशया स्वानं भिंगु
प्रियतम थन बी जिं छन्त छ्वीके बियेगु ,
विनति जिगु थुलि छं याइ स्वीकार धैगु
जिगु हृदय दुने जा सत्य विश्वासयागु
•••••