आज: | Sun, 08, Jun, 2025

होमपेज / साहित्य

जीवनया लँपू (१) – खलील जिब्रान

सुभाय् संवाददाताJune 20, 2021 मा प्रकाशित (३ साल अघि) अनुमानित पढ्ने समय : ८८ मिनेट

(भाय् हीकादीम्ह – झुलेन्द्रमान प्रधान ,नेसं १०८६ )

आजु वया नां ख: ।

भगवानं वैत थ: नाल , उकिं व माया याय ब:म्ह जुल ।

व थ:गु इलय् ज:या अग्रदूत ख: ।

झिँनिदँ तक वं मर्त्यमण्डलय् वैत स्वर्ग यंकीगु नांचायात पिल ।

झिंनिदँ फुइवं कौलां सामाज्याबलय् वं देशं पिने वना: पा:चा छगू गल , अले वं समुद्रपाखे स्वल ।

अन वं थ:म्ह भगवान काल नाप व:गु खन ।

वया हृदयया लुखा चाल , अले वं आनन्दरुपी पपू फत फत याना: तापाक तापाक ब्वया वन ।

अले हानं वं मिखा तिसिना: अन्तरआत्माया अनन्त शान्ती दुबिना: भगवानया आराधना यात ।

तर व पा:चा क्वहाँ वयवं, हाकु सुपाचं वैत त्वपुल । वं बिचा: यात –

गथे जि थनं पूर्ण शान्तिं , भचा हे दु:ख अनुभव मयासे वने फै ? जिं थ:गु भावनाय् घा: जूगु सह मयासें

थ्व देशयात त्वते फैमखुत ।

दु:खं बिलिबिलि जायाच्वंगु न्हि , सुनसान छायपात:गु चा , थ्व देशया प:खाया दुने जिं प्वथला । सुनां थ:गु नुग: घा:

व सून्यपनायाके भतिचा हे व्यथित मजुसे , बिदा कया: वने फै ?

थनयाँ गल्ली हे जिं भावनाया अनन्त भाव मुखूचिंका, ह्वएका , सुखूचिंका । जिगु इच्छाया यक्व हे मस्त

थ्व हे पा:चाय् नांगां चाहिला च्वन तिनि । थुमिगु स्मृतिया भार व नुग: घा: नापं ज्वना मवंसें जिं थनं बिदा काय् फैमखुत ।

थ्व जिं त्वया वांछ्वया च्वनागु , छुं पुनेगु पह:यागु काप: ला ख हे मखु ।

थ्व जिगु थ:गु ल्हातं त्वका च्वनागु जिगु म्हया छ्यंगु ख: ।

थउँ थ्व जिं जिगु ल्युने त्वता वना च्वनागु , छगू कल्पना हे जक नं मखु , बरु पित्या: व प्यासं नायकुगु हृदय ख: ।

अयनं आ: जिं लिबाके मजिल ।

कालं फुकसितं थ:थाय् पाहां ब्वनी , ब्वनाच्वन । आ: जि नं वने हे माल ।

कथहं……..

प्रतिक्रिया दिनुहोस

सुभाय् मिडिया प्रा.लि.

ताम्सिपाखा , देयको , पुष्पलाल पथ काठमाडौं -१८

ईमेल: [email protected]

कार्यालय फोन- ०१-२१५६४४

स्थायी लेखा नम्बर- ६१२२८०१००

सूचना विभाग दर्ता नम्बर: ४५८/०७४-७५

सुभाय् मिडियाको लागि

संचालक तथा सम्पादक महर्जन रत्न

सम्पादक विजयकृष्ण श्रेष्ठ
राजेन्द्र महर्जन

सह-सम्पादक/ व्यवस्थापक रन्जु श्रेष्ठ

समाचार प्रमुख रवि महर्जन

फोटो सम्पादक नातिकाजी महर्जन