कोरोना उपचार र आइसोलेसन व्यवस्थापन गरिरहेको ललितपुर महानगरले कोरोनाका कारण मृत्यु भएकालाई १ लाखको क्षतिपूर्ति दिने

ललितपुर / देशमा दोस्रो चरणको महामारीले ठूलो त्रास उत्पन्न गराइहेको बेला यल (ललितपुर) महानगरपालिकाले कोविड संक्रमणबाट ज्यान गुमाएकाको परिवारलाई एक लाख रुपैयाँ सहयोग प्रदान गर्ने भएको छ ।
महानगरपालिकाका मेयर चिरीबाबु महर्जनले आज शुक्रबार एक पत्रकार सम्मेलन आयोजना गरि ललितपुर महानगरपालिका स्थायी बसोबास गर्ने व्यक्तिहरु कोविड -१९ संक्रमित भइ उपचारको क्रममा निधन भएका व्यक्तिका परिवारलाई महानगरले प्रति मृतक संख्या एक लाख रुपैयाँ सहयोग गर्ने निर्णय भएको बताए ।
मेयर महर्जनले कोविड़को आइसीयू तथा भेन्टिलेटरमा उपचार गरेर निको भएकाहरुलाई जनही ५० हजार र अस्पतालबाट उपचार गराई निको हुने प्रति ब्यक्ति २५ हजार रुपैयाँ प्रदान गरीने उनले जानकारी दिए ।
स्थानीय वडा कार्यालयको सिफारिस तथा आवश्यक कागजपत्र सहित महानगर पालिकामा सम्पर्क गरि यो सहयोग प्राप्त गर्न सकिने जानकारी दिए ।
हाल यल महानगरपालिकाले महानगका प्रत्येक वडाहरुमा पिसिआर र एन्टिजेन परीक्षणको व्यवस्था मिलाइएको छ । विभिन्न स्थानमा अक्सिजन र चिकित्सक सहितको आइसओलेसन पनि संचालनमा रहेको छ ।