भारतद्वारा कोरोनाको औषधि सार्वजनिक

भारतद्वारा कोरोनाको औषधि सार्वजनिक

दिल्ली, भारत / नेपाल भारत लगायत देशहरूमा नयाँ भेरियन्टको कोरोनाको लहरले जनजीवन निकै कष्टकर बनाइरहेको बेला भारतबाट एउटा खुशीको समाचार प्रकाशित गरेको छ । कुरा के हो भने भारतका एक प्रभावशाली नेता एवं केन्द्रिय मन्त्रीले कोरोना भाइरस (कोभिड–१९) विरुद्धको औषधि सार्वजनिक गरेको समाचार अहिले चर्चाको विषय बनेको छ ।

सूत्रका अनुसार भारतीय रक्षा मन्त्री राजनाथ सिंह तथा स्वास्थ्य मन्त्री डा. हर्षवर्द्धनले संयुक्त रुपमा उक्त औषधिको सोमबार सार्वजनिक गरेका हुन् । यो औषधि पाउडरको रुपमा रहेको भारतीय सञ्चारमाध्यमहरूले उल्लेख गरेका छन् । कोरोना विरुद्धको उक्त औषधिको नाम २ डीजी दिइएको छ।

यो औषधि सबैभन्दा पहिला दिल्लीको कोभिड अस्पतालमा भर्ना भएका बिरामीलाई दिइने बताइएको छ।

यो औषधि एक सातामा १० हजारको हाराहारीमा उत्पादन हुने दाबी गरिएको छ । यो औषधि सेवन गरेका ४२ प्रतिशत बिरामीलाई तीन दिनपछि अक्सिजन दिनु नपरेको, दुई दिन अगाडि नै स्वास्थ्य लाभ मिलेको र ६५ वर्षमाथिका बिरामीमा पनि प्रभावकारी देखिएको दाबी गरिएको छ । यो औषधि पानीमा घोलेर बिहान बेलुका बिरामीलाई दिइनु पर्ने उल्लेख गरिएको छ।

औषधी भारतको रक्षा अनुसन्धान र विकास संगठनद्वारा बनाइएको हो । यो औषधीलाई भारतले आपतकालिन प्रयोगको लागि अनुमति दिइसकेको छ ।
यो औषधिले पूर्णरूपमा सफलता पाए चिकित्सा विज्ञानको निम्ति ठूलो उपलब्धि हुनेछ । साथै विश्वकै निम्ति उद्दारक बन्न सक्नेछ ।