आइतबारबाट अन्य सात केन्द्रबाट चिनियाँ खोप दिइदै

काठमाडौं /  स्वास्थ्य तथा जनसंख्या मन्त्रालयले गत २५ चैतदेखि दिदै आएको चीनको सहयोगमा प्राप्त चिनियाँ खोप भेरोसेल आईतबारबाट काठमाडौंका सात वटा खोपकेन्द्रमा लगाइने भएको छ । स्वास्थ्य मन्त्रालयका अनुसार राष्ट्रिय आयुर्वेद अनुसन्धान तथा तालिम केन्द्र, कीर्तिपुर, हिमाल अस्पताल ज्ञानेश्वर, निजामती कर्मचारी अस्पताल नयाँ बानेश्वर, नेपाल मेडिकल कलेज जोरपाटी, परोपकार प्रसुति तथा स्त्रीरोग अस्पताल थापाथली, काठमाडौँ मेडिकल कलेज सिनामंगल र सशस्त्र प्रहरी अस्पताल बलम्बुमा खोप दिइदैछ ।

केहिदिन अगाडिबाट क्षेत्रपाटी निशुल्क चिकित्सालय लगायत स्थानबाट पनि यो खोप दिन सुरु गरेको थियो ।
यसका लागि सरकारले १४ वटा अस्पताल र स्वास्थ्य केन्द्रलाई खोप केन्द्रको रूपमा तोकेको थियो। वीर अस्पताल, परोपकार मातृत्व र महिला अस्पताल, सुकरराज ट्रपिकल र संक्रामक रोग अस्पताल, सिभिल सेवा अस्पताल, राष्ट्रिय आयुर्वेद अनुसन्धान तथा प्रशिक्षण केन्द्र, नेपाल मेडिकल कलेज, काठमाडौं मेडिकल कलेज , त्रिभुवन विश्वविद्यालय शिक्षण अस्पताल, शाहिद गंगालाल राष्ट्रिय हृदय केन्द्र, वीरेंद्र अस्पताल, नेपाल एपीएफ अस्पताल, नेपाल पुलिस अस्पताल, ओम अस्पताल र अनुसन्धान केन्द्र, र छत्रपति निःशुल्क क्लिनिक (अस्पताल) लाई खोप केन्द्रहरुका रूपमा सूचीबद्ध गरिएको थियो ।

कोरोनाको यो खोप लिन स्वास्थ्य केन्द्रहरूमा भीड लागेको थियो ।