सक्वय् महाकवि गिरिजाप्रसाद जोशी लुमंकल ।

सक्व / सक्वय् महाकवि गिरिजाप्रसाद जोशीयात लुमंकल ।

थौं शनिबा: महाकवि गिरिजाप्रसाद लुमन्ति प्रतिष्ठानया ग्वसालय् महाकवि जोशीया ८३ दँया लुमन्ति बुँदि हना ज्याझ्व: या:गु ख: ।

ज्याझ्व: प्रतिष्ठानया नाय: यचू जोशीया नाय:सुइ जूगु ख: ।

ज्याझ्वलय् पुलांम्ह च्वमि पत्रकार रमेशकाजी स्थापित मूपाहाॅ जुयादीगु ख: अथे हे नेपाल राजकीय प्रतिस्ठान मातृभाषाया लक्ष्मी माली, नारद बज्राचार्य, शंखरापुर उपमेयर शुक्र लक्ष्मी शेष्ठ भाषाह्यमि, इन्जिनियार, लेखक , समाजसेवी राजदास श्रेष्ठ शंकरापुर नगर पलिका वडा नं ६ व ७ या वडा अध्यक्षपिं पाहाँया रुपय् बुदिं हना ज्याझ्वलय् सहभागी जुयादीगु ख: ।

ज्याझ्वलय् सक्वया अग्रज राजदास श्रेष्ठ पाखें कुत पिकाकयात कम्प्यूटर ग्वाहालि बियादीगु ख: । कुत: प्रकाशनया सफू पिकायेगु ज्यायात अपुकेया नितिं थुकथं उपहार बियादीगु खँ वयकलं धयादीगु दु ।

अथे हे राजदास श्रेष्ठ पाखें नेसं ११४१ या दुने पिहाॅवैगु सफू मध्ये छगूयात ५०,०००/- तकाया सिरपा बिगु अले मेगु न्यागू सफूयात म्हतिं १०द्व: तका पुरस्कार बिइगु घोषणा नं जूगु ख: ।