संकिपाक:पि रामकृष्ण धिनाः मन्त

यें/ नेपाल भाषा संकिपा ख्य:या छम्ह पुलांम्ह कालाकार च्वमिकथं म्हस्यूम्ह रामकृष्ण धिना आकाझाकां मदुगु दुखया बुखं दु । दबू प्याखंया इलंनिसें कलाकार , च्वमि जुयाः निरन्तर रुपं जीवनया अन्तिम ई तक नं कलायात्राय् पला: न्ह्याका रामकृष्ण धिना म्हिग: ने.सं. ११४१ चौलाथ्व पारु (चैत्र ३१ गते) मंगलवाः किपूया त्रिभुवन विश्वविद्यालयया गान्धी भवनय् योग स्यनाच्वंगु इलय् आकाझाकां ग्वःतुगु अले अनहे वय्कः मदुगु ख: ।
भिडियो संकिपाया सुरुवातया इलय् रामकृष्ण धिनाः नं जीवनयात्रा, मनू मखुम्ह मनू लगायत थीथी संकिपा च्वयादीगु ख: । वयक: छ्म्ह नासलं ल्यूम्ह कलाकार नं ख: ।
विशेष याना: किपू लागाया कलाकार रुपं म्हसिकेगु या । वयक: संकिपा निर्माण ख्यलय् नं जा:म्ह नां ख: । बांला: मयजु वयक:या न्ह्यब्वयाय् पिदंगु संकिपा ख: ।