भक्तपुरको बिस्का: जात्रा रोक्न खोजेकोमा काठमाडौंको विरोध !

काठमाडौं / कोभिड-१९ महामारीको त्रास देखाई भक्तपुरको परम्परागत बिस्का: जात्रा पर्व स्थगित गर्न खोजेकोप्रति काठमाडौंको सेतो मछिन्द्रनाथ रथयात्रा व्यवस्थापन समितिले विरोध जनाएको छ ।
उक्त समितिले यसको विरोधमा अध्यक्ष नीलकाजि शाक्यको हस्ताक्षर सहितको एक प्रेस विज्ञप्ति प्रकाशित गरेको छ ।
“नेपालको राष्ट्रिय सांस्कृतिक पहिचानलाई प्रतिनिधित्व गर्ने परम्परागत सांस्कृतिक पर्व मध्येको भक्तपुर जिल्लामा मनाइने बिस्काः जात्रा र अन्य पर्व, परम्परालाई कोभिड–१९ महामारी फैलिन सक्ने कारण देखाएर स्थगित गर्न सरकारी निकायहरूले जारी गरेको निर्देशनप्रति यस सेतो मछिन्द्रनाथ रथयात्रा व्यवस्थापन समिति ११४१ को ध्यानाकर्षण भएको छ ।” भन्दै उक्त समितिले
“सांस्कृतिक जात्रा पर्व, परम्परासम्बन्धी कुनै पनि निर्णय गर्ने अधिकार सम्बन्धित सरोकारवाला गुठियारहरूको हुने गरेको छ र हुनुपर्दछ । स्वास्थ्यसम्बन्धी मापदण्डलाई पालना गर्ने÷गराउने र अन्य वैकल्पिक उपायहरू रहेको अवस्थामा पनि जात्रा, पर्व, परम्परालाई निरन्तरता दिनुपर्ने सरोकारवालाले उल्टै जनसमुदायको भावना विपरीत गएर गरेको सो सरकारी निर्णयप्रति यस व्यवस्थापन समिति खेद व्यक्त गर्न चाहन्छ । ” भनी उक्त विज्ञप्तिमा उल्लेख गरिएको छ ।
“उक्त सरकारी निर्णय फिर्ता लिर्ई सुरक्षा र स्वास्थ्यसम्बन्धी विविध उपाय अवलम्बन गरी सांंस्कृतिक जात्रा, परम्परालाई निरन्तरता दिनुपर्ने माग समेत यस व्यवस्थापन समिति गर्दछ । ” भनी माग समेत उक्त जात्रा व्यवस्थापन समितिले गरेको छ ।
यो समय भक्तपुरबासीले पनि जात्रा नगर्न निर्देशन दिने भक्तपुर जिल्ला प्रशासन कार्यालयको निर्णयको बिरोधमा आवाज उठाइ रहेको छ । फोटो: इन्टर्नेट