झीगु समाज धरानमा एक महिने नेपाल भाषा प्रशिक्षण कक्षाको उद्घाटन

धरान /झीगु समाज धरानमा १ महिने नेपाल भाषा कक्षा शुरु भएको छ । सोमबार एक कार्यक्रमका बीच प्रमूख अतिथि तथा धरान उपमहानगरपालिका आदिवासी जनजाती विकास समितिका संयोजक तथा धरान १५ नंं वडा अध्यक्ष नरेश ईवारामले पानसमा दिप प्रज्वलन गरेर नेवाः भाषा कक्षाको समुद्घाटन गर्नु भएको हो । धरान जनजातीका शहर भएकाले सवै जातीय समुदायको उत्थानमा उपमहानगरपालिकाले वजेट व्यवस्थापन गरेर काम गरिरहेको र यसलाई अझ बढी प्राथमिकताका साथ अघि बढाउन जनजातीहरु नै लागिपर्नु पर्ने प्रमुख अतिथि नरेश इवारामले बताए । 
कार्यक्रममा मन्तव्य राख्दै नेवा: देय् दबू, धरानका अध्यक्ष मनोहर शाक्यको अध्यक्षतामा सम्पन्न कार्यक्रममा नेवाः देय् दवू प्रदेश १ का कोषाध्यक्ष चन्द्र हलुवाई, शाक्य कल्याण संस्थाका अध्यक्ष अमृत शाक्यले आफ्नो जातीय भाषा विकासको महत्वबारे बोलेका थिए ।
नेवाः देय् दवू धरान नगर समितिको अयोजना र झीगु समाजको व्यवस्थापनमा सम्पन्न हुने नेवाः भाषा कक्षाको विषेश सहयोगी धरान उपमहानगरपाकिा आदिबासी जनजाती विकास समिति रहेको छ । नगरपालिकाबाट प्राप्त आदिवासी लक्षित बजेटबाट धरानमा नेवाः थपु गुठी, धरान ८, झीगु समाज धरान ३, शाक्य कल्याण संस्था धरान १२ र सिद्धि नेवाः परिषद् धरान ७ गरी ४ स्थानमा एकै पटक नेपाल भाषा प्रशिक्षणको कक्षा शुरु गरिएको छ । 
उद्घाटन कार्यक्रममा धरान उपमहानगरपाकिलाकाका कार्यपालिका सदस्य विनिता वज्रचार्य लगायत खलः पुचका पदाधिकारीहरुको सहभागिता रहेको थियो ।