पूर्णिमाया “मतिनाया ख्वबि” विमोचन

यल / पूर्णिमा शाक्य पामिलाया न्हापांगु हाइकु सफू “मतिनाया ख्वबि” छगू ज्याझ्व:या दथुइ यलया होटल गुडविलय् बिमोचन जूगु दु ।
वंगु शनिबा: वरिष्ठ साहित्यकार एवं च्वसापासाया नाय: भुषण प्रसाद श्रेष्ठ, किरण शाक्य, नेवाः हाइकु ख्यःया कजि सुरेश प्रधान व वरिष्ठ साहित्यकार ध्रुव मधिकर्मिं  उगु सफूया संयुक्त रुपं बिमोचन यानादीगु ख: ।
च्वमिं थ: मदुम्ह अबु दान बहादुर डंगोलयात उगु सफू देछानादीगु ख: ।
सफू ईलोहँ प्रकाशनं पिथंगु ख: ।
बिमोचन ज्याझ्वलय् साहित्यकार भूषण प्रसाद श्रेष्ठ , ध्रुब मधिकर्मी, सुरेश प्रधानपिसं हाइकुया थीथी खँयात कया: नुग: खँ तयादीगु ख: । अथे हे सांसद शोभा शाक्यं च्वमियात भिंतुना देछानादीगु ख : ।
प्रकाशन पाखें नरेशबीर शाक्य व दर्शनबीर शाक्यं नं थथगु नुग: खँ तयादीगु ख: ।