नेवा: अमेरिकन दबूया हुलाप्याखं कासा!

शिकागो / नेवा: अमेरिकन दबूया ग्वसालय् जूमपाखें नेपा:, अमेरिका लगायत थीथी देसय् च्वंपिं मस्तय् दथुइ हुलाप्याखॅं कासा शनिवा: जूगु दु ।

थुगु ज्याझ्वलय् १३ गू हुलाप्याखॅं १५ म्ह मस्तय् अपूर्व कर्माचार्य, आयूष्का जोशी, इच्छा श्रेष्ठ, मोनिका केसी, नूर महर्जन, रविना श्रेष्ठ, नम्रता श्रेष्ठ, सुहानी बलामी, सजकता मानन्धर, श्रेना ताम्राकार, शुभी साव, सुभाष राज भण्दारी, सचेतना मानन्धर, सुहन बलामी, शरण बसीपिसं न्ह्यब्व:गु ख: ।

शिकागोय् च्वंपिं व थुकिया ज:ख: च्वंपिं नेवा:तय्त छधीछपं याना: नेवा:तय्गु भाषा, संस्कृति, तजिलजि, साहित्य संरक्षण नापं थपू यायेगु तातुना: ११ दॅं न्ह्य: नेवा: अमेरिकन दबू नीस्वनागु खॅं कनादिसें ज्याझ्व:या कजि केशरमान ताम्राकारं ज्याझ्व: न्ह्याकादीगु ख:सा दबूया नाय: किरण व्यन्जनकारं लसकुस न्वचू तयादीगु ख: ।

समाचार ग्वाहालि- नेवा: सूचना केन्द्र, केशरमान ताम्राकार शिकागो