किर्तिपुरको कथामा बनेका छोटो चलचित्र प्रतियोगिताको परिणाम घोषणा : साग:, आजुद्य:, लाखय् पा: प्रथम , द्वितीय र तृतीय

काठमाडौं / कीर्तिपुर नगरपालिकाको आयोजनामा कीर्तिपुरको कथामा बनेका नेपालभासाको छोटो चलचित्र प्रतियोगिताको घोषणा तथा प्रदर्शनी कार्यक्रम सम्पन्न भएको छ ।
शनिबार राष्ट्रिय सभागृहको हलमा उक्त कार्यक्रम आयोजना गरिएको थियो ।
प्रतियोगितामा सम्मीलित छोटा ७ चलचित्रमध्ये “साःगः”प्रथम, “आजु द्यः” दोश्रो, “लाखय पाः” तेश्रो र “न्हेका सिं” सान्त्वना पुरस्कार जित्न सफल भएका छ । उनीहरूलाई क्रमशः १ लाख, ७५ हजार, ५० हजार र २५ हजार नगद पुरस्कार सहित सम्मान गरिएको छ ।
कार्यक्रममा न्हेका सिं, लाखय पाः, आजु द्यः, साःगः,किपु देय, अर्ति र बाखं मखु थ्व खँ लगायत प्रतियोगितामा सहभागी छोटा चलचित्रको प्रिमियर पनि गरिएको थियो ।