जित: रावण राज्य मा: – चिबाखं

रिता महर्जन

चिकुला वल । न्हिनय् उलि चिकु मजूसां सुथय् बहनी चिकुसे च्वं । सुथया निभा: भिटामिन डीया खानी ख:, उकें सुथय् निभा: पापां च्या त्वनाः पत्रिका स्वयाच्वना ।
पत्रिकाय् झीगु देय्‌या राजनीति उथलपुथल जुयाच्वंगु बुखँत न्हिं न्हिं स्वयाच्वना ।  छुं मनूत‌‌ हानं‌ जुुुुुजुया नेतृत्वय् देश चलय् यायेमा:गु माग याना: जूलूस पिथना  च्वंंगु बुखं ! छुुं मनूतय् प्रधानमन्त्रीया राजीनामाया माग ! अले मेेेखे नेवा:तय्  छें थुना:    नेवा:तयत सुुुुकुम्बासी  दयेेेत्यंंगुु बुुुंखंं । अस्तव्यस्त ! मुक्कं देय्‌या अवस्था स्वयेबलय् देय् हे बलात्कारया शिकार जुयाच्वं थेें का  !
थ्व देय् झीगु मां मखुला ? थ:म्हं थ:याके न्ह्यस: न्यना । लिस: बिइपिं सुं मदु । देय्‌या राजनीति जक उथलपुथल धयां थाय् थासय् हत्या, हिंसा व बलात्कार । उफ्फ्फ्फ…….. जिं थ:गु छ्यं तिया ।
छगू ई दु, गुगू इलय् हलिं न्यंकया दकसिबय् बांला:म्ह मिसा सीतायात रावणं हरण यानायंकल। अय्‌नं सीताया अनुमति मदयेवं रावणं सीतायात थिइगु कुचेष्टा मयाः । थ:गु दकसिबय् य:गु बगैंचा अशोक वाटिकाय् सितायात छुं नोक्सान मजुइमा धयाभनं पहरा तयाः तयातल। उगु हे इलय् रामं थ: कलाः सीताया प्वाथय् दुसां मेपिनिगु खँ न्यनाः घनघोर जंगलय् वान्छवये यंकल । थौं कन्हय्‌या ई जूसा व सीता उगु जंगलय् म्वाये फैला ??  जिगु न्ह्यपुइ न्ह्यस:या न्ह्यस: लुया वयाच्वन ।                    जिं मतिइ  लुल न्ह्याम्हसिगु  नेतृत्वय् देय् न्ह्यायेमा: धका: हालाजूसां जितः रावण राज्य हे य:, ख: जित: रावण राज्य हे मा: !                                                                        गन हरण यानाह:म्ह सीता तकं सुरक्षित जुइ ।