न्हापांगु रामशेखर लुमन्ति सिरपा महेन्द्र गोपाल कर्माचार्ययात

ख्वप/ रामशेखर लुमन्ति दबूया ग्वसालय् ‘रामशेखर लुमन्ति सिरपाः’ लल्हात । म्हिग: शनिवाः न्हापां खुसिइ साहित्यकार महेन्द्र गोपाल कर्माचार्ययात थुगु सिरपा ब्यूगु ख: । ज्याझ्व:या मूपाहां तिलक प्रकाश कायस्थं नगद लिसे् हनापौ ल:ल्हा:गु ख: ।

उगु सिरपा ने.सं. ११३९ स पिदंगु दबुलिइ सिरपाया नितिं दुतिंगु नेपालभाषाया सफूमध्ये च्वमि कर्माचार्यया ‘इलं न्यंगु न्ह्यसः’ उत्कृष्ट जुया: सिरपा त्याकेत ता:ला:गु ल्यज्या पुचःया दुजः मल्ल के सुन्दर व पूर्णकाजि ताम्राकारं कनादीगु ख: ।

मदुम्ह साहित्यकार रामशेखर नकःमिया नामय् कीर्ति तयेया नितिं वय्कःया छेँजःपाखेँ लःल्हागु २ लख तका नापं थीथी कथं मुंगु दां मा मस्यनीगु कथं बैक दाखिला याना छगू कोष दयेकेज्या जूगु नं ग्वसाः खलकं धा:गु दु ।                                                     

सिरपाया नितिं करं क्यंगु लँपु–निजिरोस श्रेष्ठ न्याछ्यों, मतिनाया सवाः–ज्ञानीराजा मानन्धर, बाखं कन्हेया–लक्ष्मी चन्द्र बज्राचार्य, ख्वाःपाः–रेणु श्रेष्ठ, लंगुरबुर्जा–राजाशाक्य, श्री ३–बिजय रत्न असंबरे, धाः–राजुराम मुनकःमि, क्वाःनाखं मिं नःगु छेँ–न्हुछे भक्त कवां, बाःवःगु ख्वबि÷पिज्वय् मफुगु सः–श्याम गोपाल आशा, इलं न्यंगु न्ह्यसः–महेन्द्र गोपाल कर्माचार्यपिनिगु सफू दुतिंगु खः ।                     

दबूया नायः गोविन्द मान श्रेष्ठया नायःसुइ छ्याञ्जे प्रदीप रत्न शाक्यं न्ह्याकादीगु ज्याझ्वः न्ह्याकादीगु खः ।

बुखँ : नेसूके