अमेरिकी किसानले फलाए १ हजार किलोको फर्सी, जिते २० लाख पुरस्कार

काठमाडौं । अमेरिकाको मिनिसोटाका एक किसानले १ हजार किलोभन्दा बढी वजनको फर्सी फलाएका छन् । वागवानी विषयका शिक्षकसमेत रहेका ती व्यक्तिले क्यालिफोर्नियामा आयोजित फर्सी प्रतियोगितामा सबैभन्दा ठूलो फर्सीको उपाधि हात पारेका हुन् । मिनिसोटास्थित एनोकामा बस्ने ट्राभिस गाइन्जेर पेशाले वागवानी विषयका शिक्षक हुन् र आफ्नै घरको करेसाबारीमा फलफूल र तरकारी फलाउने गरेका छन् । लकडाउनका बीच उनले करेसाबारीको फर्सीको स्याहारसुसार निकै गरे । दिनमा १० पटकसम्म सिँचाइ गर्ने तथा दिनको २ पटकसम्म मल हाल्ने काम गरे उनले । उनको मेहेनतको फल निकै मौलायो । अर्थात् करेसाबारीको एउटा फर्सी भिमकाय आकारमा बढ्यो ।